پنجشیر ولایتی محلی مسئوللری، اوشبو ولایت نینگ حصه اول تومنی حدودلریده « کرولا رسوملی» بیر موتر چپه بولیشی عاقبتیده تورت کیشی یره‌لنگنیدن خبر بیره‌دیلر.
پنجشیر معلومات و مدنیت باشلیغی نصرالله ملک‌زاده، حصه اول تومنی نینگ اولسوالی شیرعلی موزون قولیدن ایتیشیچه، مذکور واقعه بوگون بامداد چاغی مذکور تومن نینگ «اورینگ» قیشلاغیده یوز بیرگن.
بیزلرنینگ فیسبوک صحیفه‌میزگه باش اورینگ!
اونگه کوره، بیش کیشی یولاوچیسی بولگن اوشبو موتر، کابل دن پنجشیر ولایتی حصه اول تومنی «سفید چهر» قیشلاغی ده جنازه مراسمیده اشتراک ایتیش اوچون بارر ایکنلر، موتر هیداوچی نینگ دقت‌سیزلیگی باعث موتر یولدن چیقیب دریا گه قوللـه‌گن.
پنجشیر حصه اول تومنی اولسوالی گه کوره، حادثه طفیلی یره‌لنگن ایکی ایرکک و ایکی عیال پنجشیر ولایتی «عنابه» ایمرجنسی کسلخانه‌سیگه انتقال بیریلگن که یره‌دارلردن بیری نینگ وضعیتی آغیر گزارش بیریلگن.
بیزلرنینگ توییترده هم تعقیب قیلینگ!
پنجشیر ولایتی حصه اول تومنی اولسوالی شیرعلی موزون نینگ ایتیشیچه، احتمالاً موترده‌گی برچه کیشی‌لر بیر عایله اعضاسی دیر.
پنجشیر عمومی یولی نینگ تارلیگی باعث انده_سنده بو یول ده ترافیکی حادثه یوز بیره‌دی.
