پاکستان استخباراتی باشلیغی فیض حمید ایکی کون آلدین کابل‌گه کیلگن ایدی. اوشبو سفر اجتماعی ترماقلر فعال‌لری نینگ جدی واکنش‌لری بیلن روپه‌ره بولگن. بوگون “دوشنبه” بیرقطار میدیالر تامانیدن نشر ایتیلگن گزارش‌لرگه کوره، پاکستان استخباراتی باشلیغی کابل‌گه کیلگنیدن سونگ، پنجشیر ولایتی هوایی هجوم آستیگه قرار بیریلگن.
بیزلرنینگ فیسبوک صحیفه‌میزگه باش اورینگ!
لیکن، طالبان سوزلاوچیسی ذبیح‌الله مجاهد نینگ ایتیشیچه، پنجشیر ولایتی تصرف ایتیلیشی بیلن افغانستانده اوروش یکونلنگن.
اونینگ کوپه‌یتیریشیچه، پاکستان استخباراتی باشلیغی اوزی مملکتی‌گه قرشی امنیتی خواطرلر بولگنی باعث، کابل‌گه کیلگن و طالبان گروهی بوتوغریده اولرگه ایشانچ بیرگن.
جناب مجاهد نینگ ایتیشیچه، پاکستان هیاتی‌دن چیگره‌لرنی افغانستان یشاوچی‌لری یوزیگه آچیب و شبهه‌لی کیشی‌لر بولگن صورتده، تیکشیریش آستیگه قرار بیریلیشی سوره‌لگن.
طالبان سوزلاوچیسی‌گه کوره، اقتصادی امکانیت موجود دیر و تیزلیککه ایشلاوچی‌لرنینگ حقوقلری بیریله‌دی.
اونینگ ایتیشیچه، تیزلیککه مملکت‌ده بانکی فعالیت‌لر عادی بوله‌دی و سرمایه یاتقیزووچی‌لر هم افغانستان گه سرمایه یاتقیزیش‌لریدن ایشانچ بیرگن.
بیزلرنینگ فیسبوک صحیفه‌میزگه باش اورینگ!
مملکت نینگ طالبان قولیگه سقوط قیلیشیدن ۳ هفته اوتماقده، لیکن حاضرگه‌قدر ینگی حکومت اعلان ایتیلمه‌گن. طالبان نینگ ایتیشیچه، ینگی حکومت تیزلیککه اعلان ایتیلیشی ممکن.