زرمت تومنی، پکتیا ولایتی نینگ کوپینچه نفوسلی تومن‌لریدن دیر. زرمت تومنیدهگی ۳۰ اورین‌لی کسلخانه گه کسل‌لری نینگ دوالنیشی اوچون مراجعت قیله‌دیگن کسل‌دارلر، مذکور کسلخانهده امکانیت و ساغلیق جهازلر یوقلیگی‌دن شکایت قیلیب و ایتیشلریچه، امکانیت و ساغلیق جهازلر یوقلیگی سبب، قیین‌چیلیک بیلن روپه‌ره‌لر.
کیچیک باله‌سی توبرکلوز کسللیگی گه چلینگن «کلال‌گو» قیشلاغی یشاوچیسی بولیمش موساخان نینگ سلام‌وطندار گه ایتیشیچه، باله‌سی نینگ کسللیگی تشخیص بولیشی اوچون زرمت تومنی نینگ ۳۰ اورین‌لی کسل‌خانه‌سیگه مراجعت قیلگن؛ بیراق بو ییرگه کیره‌کلی ساغلیق جهازلر یوقلیگی سبب، او و باشقه بیر قطار کسل‌لر تشخیص اوچون پکتیا مرکزی گردیز شهری گه مراجعت قیله‌دیلر.
موساخان گه کوره، اقتصادی قیین‌چیلیک سبب، کسل‌لری نینگ دوالنیشی اوچون گردیز شهری گه باره آلمه‌یدیلر. «بو کسلخانه گه باله‌م نی کیلتیرگن ایدی؛ بیراق تشخیص بولمه‌دی و انه شوو سبب، گردیز شهری گه آلیب کیتدیم. معاینه بولگنی‌دن کیین، اونینگ توبرکلوز کسللیگی گه چلینگنی بیللی بولدی. کم‌بغل‌مین و گردیز شهری گه باریش اوچون کوچیم ییتیشمه‌یدی. مذکور دستگاه‌لر نینگ بو کسلخانهده بولیشی کیره‌ک.»
بیزلرنینگ فیسبوک صحیفه‌میزگه باش اورینگ!
شونینگدیک زرمت تومنی نینگ ۳۰ اورین‌لی کسل‌خانه‌سیده قان بانکی یوقلیگی‌دن شکایت قیله‌دیگن محمد‌جان نینگ ایتیشیچه، ییتی یاشر اوغلی تالاسمی کسللیگی گه چلینگن و هر آی قان اوتکزیلیشی کیره‌ک؛ بیراق اوشبو کسلخانهده قان بانکی و باشقه جهازلر یوقلیگی، او نینگ قیین‌چیلیک بیلن روپهره قیلگن. اونینگ کوپه‌یتیریشیچه، بو قیین‌چیلیک بیلن یالغیز او روپهره بولمه‌گن؛ بلکیم اونینگ کبی قان گه نیازی بولگن کوپ قطار کسل بار؛ لیکن نیازلری بولگن پیتده، قان قولگه کیلتیره آلمه‌یدیلر.
محمد‌جان نینگ کوپه‌یتیریشیچه: «باله‌م تالاسمی کسللیگی گه چلینگن و هر آی قان گه نیازی بار. بو کسلخانه گه مراجعت قیلینگنی پیتده، قان بانکی یوق و قیین‌چیلیک بیلن روپهره بولینه‌دی و نیاز بولگن قان نی اعلام قیله‌دیلر که کسل‌لری گه قان نیاز دیر و قوله‌ی بیر شکلده تاپیلمه‌یدی. کسل گه قان تاپیلیشی جوده‌یم قیین دیر.»
شونینگدیک زرمت تومنی نینگ ۳۰ اورین‌لی کسلخانهسیدهگی ایشلاوچیلردن میرزاخان، مذکور کسلخانه نینگ دارو کم‌لیگی بیلن روپهره بولگنی نی تصدیق قیله‌دی. اونینگ ایتیشیچه، دارو تومن نفوسی گه قدر، بو کسلخانه گه بیریله‌دی؛ بیراق روحانی بابا و متاخان تومن‌لر یشاوچیلری هم اوشبو کسلخانه گه دوالنیش اوچون مراجعت قیله‌دیلر.
اونینگ کوپه‌یتیریشیچه: «زرمت تومنی نفوسی کوپ دیر. روحانی بابا و متاخان تومن‌لریدن هم کسل‌لر بو کسلخانه گه مراجعت قیله‌دیلر. انه شوو سبب، کسل‌لر دارو کم‌لیگی بیلن روپهره بوله‌دی. مذکور تومن‌ده اوشبو کسلخانه و باشقه کلینیک‌لر توبرکلوز نی تشخیص قیلیش اوچون کیره‌کلی وسیله‌لری یوق دیر.»
شونینگدیک زرمت تومنیدهگی ۳۰ اورین‌لی کسلخانه باشلیغی عبدالمبین نینگ ایتیشیچه، اوشبو کسلخانهده توبرکلوز کسللیگی نینگ تشخصی قیلیش دستگاه‌سی یوقلگی سبب، کسل‌لر کوپینچه قیین‌چیلیک بیلن روپهره دیر. اونینگ ایتیشیچه، هر آی مایکروسکوپ بیلن ۱۰-۱۲ کسل نی تشخیص قیله‌دیلر که توبرکلوز کسللیگی گه چلینگنلر.
اونینگ کوپه‌یتیریشیچه: «توبرکلوز کسللیگی نی تشخیص قیلیش دستگاه‌سی اساسی نیازلریمیزدن بیری دیر. شونینگدیک توبرکلوز کسللیگی نی تشخیص قیلیش خذمت‌لریمیز نینگ اونملی بولیمی دیر. جماعه‌میزده بو کسل‌لیک رقمی کوپ دیر. انه شوو سبب، بو ییرده سل کسللیگی نی تشخیص قیلیش دستگاه‌سی بولسه، کسل‌لردن کوپینچه‌سی نینگ قیین‌چیلیگی حل بوله‌دی و بو ییر گه کیله‌دیگن کسل‌لر نی گردیز گه یوبارمه‌یمیز.»
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، پکتیا ساغلیق‌نی سقلش ریاستی‌ده توبرکلوز بولیمی مسئولی رحمت‌الله نینگ ایتیشیچه، اوتگن ییل ۲۱۶۹ کسل توبرکلوز کسللیگی علایم‌لری بیلن، زرمت تومنی نینگ آلتی کلینیگی گه مراجعت قیلگن که اولر ارا، یالغیز ۱۶۹ ته‌سی نینگ تشخیصی ایجابی ایکن.
بولر گه علاوه، پکتیا ساغلیق‌نی سقلش ریاستی مسئوللری نینگ ایتیشلریچه، زرمت تومنی کسل‌خانه‌سیده توبرکلوز کسللیگی نی دوالش و تشخیص اوچون اعتبار قره‌تیلیب و بو کسل‌لیک نینگ تشخیص دستگاه‌سی هم او ییرگه یوباریلیشی ممکن.
