سمکنی، دیورند چیزیغی یقین‌لیگی‌ده قرار تاپگن پکتیا نینگ اوزاق تومنی‌لریدن بیری دیر؛ بیراق مذکور تومن یشاوچیلری مناسب طبی خذمت‌لر و طبی امکانیت‌لردن فایده‌لنه آلمه‌سلیک‌دن شکایت قیله‌دیلر.
سمکنی تومنی یشاوچیلریدن قطاری نینگ ایتیشلریچه، اوشبو تومن نینگ ۷۰ یاتاقلی کسل‌خانه‌سی، یالغیز مذکور تومن یشاوچیلری اوچون توزه‌تیلگن، بیراق حاضر ایسه باشقه آلتی تومن یشاوچیلری هم کسل‌لری نی درمان اوچون اوشبو کسل‌خانه گه کیلتیره‌دیلر؛ انه شوو سبب، کسل‌لر سانی کوپه‌یب و طبی امکانیت‌لر هم کم دیر و بو موضوع اولر نی قیین‌چیلیک بیلن روپه‌ره قیلگن.
اولر گه کوره، اوشبو کسل‌خانه‌ده رواجلنگن «اکسری» جهازلری یوق و انه شوو سبب، کسل‌لردن قطاری، اکسری آلیش اوچون کابل کیتیش گه مجبور دیر. اولر نینگ کوپه‌یتیریشلریچه، کسل‌لر سانی کوپه‌یگنی گه توجه قیلینگنی صورتده، اوشبو کسل‌خانه دارو کم‌لیگی بیلن روپه‌ره دیر و یالغیز بیر امبولانس بو کسل‌خانه اوچون ییترلی ایمس.
بیزلرنینگ فیسبوک صحیفه‌میزگه باش اورینگ!
سمکنی تومین‌ده کسل‌دارلردن بیری نذیر نینگ ایتیشیچه: «امکانیت خصوصیده صحبت قیلسم، بو ییرده کوپینچه امکانیت یوق. مثلا ام‌آر‌ای یا-ده اکسری ایسته‌گنی‌میزده بو ییرده یوق. کابل کیتیشی‌میز کیره‌ک یا-ده سی‌تی‌اسکن لازم بولگنی صورتده، بو ییرده یوق ینه هم کابل کیتیشی‌میز کیره‌ک. توییب آوقتلنه آلمه‌سلیککه چلینگن بیر کسل نینگ درمانی اوچون امکانیت یوق. اوزیم نینگ بیر باله‌م توییب آوقتلنه آلمه‌سلیککه چلینگن دیر و مین اونینگ درمان قیلیش اوچون کابل نینگ صحت طفل کسل‌خانه‌سی گه کیتیشی‌میز کیره‌ک.»
شونینگدیک سمکنی تومنی‌ده کسل‌دارلردن بیری نورالرحمان نینگ ایتیشیچه: «امبولانس کبی کیره‌ک بولگن و نیاز بولگن نرسه، بو ییرده ییتر‌لیچه یوق. کسل‌خانه گه کسل نی کیلتیرگنی‌میز پیتده، ییترلی دارو یوق و تشقی‌ده کیلتیره‌میز. انه شوو سبب، بو کسل‌خانه گه کوپراق توجه صورت تاپیشی کیره‌ک؛ چونکه نیچه تومن نینگ اهالی‌سی بو ییرگه کیله‌دی.»
شونده‌ی بیرحالده، سمکنی نینگ ۷۰ یاتاقلی کسل‌خانه مسئوللری نینگ ایتیشلریچه، مراجعت قیلووچیلر سانی کوپ؛ بیراق امکانیت آز دیر. سمکنی تومنی نینگ ۷۰ یاتاقلی کسل‌خانه رئیسی امان‌الله منگل نینگ ایتیشیچه، کونده ۳۰۰-۷۰۰ کسل بو کسل‌خانه گه مراجعت قیله‌دی که، مراجعت قیلووچیلر نینگ سانی گه قره‌گنده، اولر گه نینگ امکانیتی آز دیر، انه شوو باعث، کسل‌لر گه مناسب طبی خذمت‌لر ارائه بولمه‌یدی.
اونگه کوره، دارو کم‌لیگی گه علاوه، بو کسل‌خانه‌ده کسل‌دارلر نینگ کوتیش اتاقی هم یوق و انه شوو سبب، مذکور تومن یشاوچیلری کوپینچه قیین‌چیلیک بیلن روپه‌ره دیر. جناب منگل نینگ کوپه‌یتیریشیچه، کونده بو کسل‌خانه گه کابل گه انتقال بیریلیشی کیره‌ک بولگن ۳-۴ کسل مراجعت قیله‌دی؛ لیکن اوشبو کسل‌خانه‌ده یالغیز بیر امبولانس بار و برچه کسل‌لر نینگ کابل گه انتقال بیره آلمه‌یدی.
شونینگدیک اونینگ ایتیشیچه: «مذکور کسل‌خانه گه مراجعت قیلووچیلر یالغیز بیر تومن یشاوچیسی ایمس؛ بلکیم ییتی تومن یشاوچیسی دیر. امکانیت و دارو بیر تومن اوچون کیله‌دی؛ لیکن مراجعت قیلووچی ۶-۷ تومن‌دن کیله‌دی. انه شوو سبب، دارو و درمان بولیمی‌ده، قیین‌چیلیک بیلن روپه‌ره‌میز؛ چونکه کسل‌لر سانی کوپ و دارو آز دیر.»
عین حالده، پکتیا ساغلیق‌لی سقلش ریاستی مسئوللری نینگ ایتیشلریچه، اولر سمکنی تومنی نینگ ۷۰ یاتاقلی کسل‌خانه‌سی قیین‌چیلیگی نی حل قیلیش اوچون سعی و حرکت قیله‌دیلر و شونینگدیک بو قیین‌چیلیک‌لردن بیر قطاری نینگ تیزللیکه حل بولیشی ممکن.
بیزلرنینگ «ایکس» ترماغی ده هم تعقیب قیلینگ!
پکتیا ساغلیق‌نی سقلش رئیسی خیر‌محمد نینگ ایتیشیچه، سمکنی تومنی نینگ ۷۰ یاتاقلی کسل‌خانه‌سی اوچون، کسل‌دارلر گه کوتیش اتاقی توزه‌تیلیب و شونینگدیک امبولانس‌لر سانی کوپه‌یشی ممکن.
اونینگ کوپه‌یتیریشیچه: «دارو خصوصیده، یونیسف و ادا موسسه‌سی نینگ ولایتی دفتری بیلن موضوع نی جریان گه قوییدیک، شونینگدیک امباری‌میز‌دن هم بعضی وقت بو کسل‌خانه و باشقه کسل‌خانه‌لر گه نیاز بولگن دارو‌لر نی یوباره‌میز.»
پکتیا مرکزی گردیز شهری‌دن ۷۰ کیلومتر فاصله‌سی بولگن سمکنی تومنی، اوشبو ولایت نینگ جمعیت‌لی تومن‌لریدن بیری دیر و مذکور تومن کسل‌خانه‌سی گه احمد‌خیل، لجه‌منگل، جانی‌خیل، دندپتان و میرزگه تومن‌لریدن کسل‌لر نینگ مراجعتی سبب، موجود امکانیت‌لر برچه کسل‌لر نینگ نیازلری نی حل قیله آلمه‌یدی.
