پکتیا طبیعی حادثه‌لر گه قرشی کوره‌ش ریاست مسئوللری نینگ ایتیش‌لریچه، اوشبو ولایتده یوز بیرگن سونگی یامغیر‌لر نتیجه‌سیده، اهالی گه کوپینچه جانی و مالی زیان ییتیشگن.
پکتیا طبیعی حادثه‌لر گه قرشی کوره‌ش رئیسی نثاراحمد نجات نینگ سلام‌وطندار گه ایتیشیچه، اوشبو ولایت مرکزی و احمدآبا، سیدکرم، زرمت، میرزکه، لجه‌منگل، جانی‌خیل، سمکنی، احمدخیل و دندپتان تومن‌لری یامغیر و سوو تاشقین‌لر گه شاهد ایدیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، حاضرگچه اوچ کیشی هلاک و بیر کیشی ایسه یره‌لنگن. پکتیا طبیعی حادثه‌لر گه قرشی کوره‌ش رئیسی گه کوره، هلاک بولگن کیشی‌لردن یالغیز بیرته‌سی نینگ جسدی تاپیلیب و باشقه ایکی‌ته‌سی نینگ جسدی ایسه حاضرگچه یوقالگن دیر.
عین حالده، محلی منبع‌لر نینگ سلام‌وطندار گه ایتیش‌لریچه، گردیز شهریده هم ایکی کیشی نینگ جسدی نی تاپگنلر.
بیزلرنینگ توییترده هم تعقیب قیلینگ!
پکتیا ایکینچیلیک، سوغاریش و چارواچیلیک ریاست اورین‌باسری عزیز‌احمد کریمی نینگ ایتیشیچه، سونگی کون‌لرده یوز بیرگن یامغیر و سوو تاشقین‌لر کمیده ۷۰۰ جریب ییر نی تخریب قیلگن.
شونده‌ی بیرحالده، اوتگن نیچه کونده مملکت ولایت‌لریدن قطاری یامغیر و سوو تاشقین‌لر نتیجه‌سیده زیان کورگنلر و یشاوچیلر گه کوپینچه مالی و جانی خساره ییتیشگن.
