پکتیا ده ایکینچیلردن قطاری نینگ ایتیشلریچه، جاری ییل کوپ یاغینگرچیلیک و سیر سوولیک سبب، مذکور ولایت‌ده برنج ایکیلیشی کوپهیگن.
اولر نینگ کوپه‌یتیریشلریچه، برنج باشقه محصول‌لر گه قره‌گنده، یخشی حاصل بیرگن و اونینگ قیمتی ایسه خلق‌ارا بازار‌ده هم یوقاری دیر که انه شوو سبب، اوشبو ولایت ایکینچیلردن کوپ قطاری، برنج ایکیشی گه یوز کیلتیرگنلر.
پکتیا ده ایکینچیلیک‌لردن بیری مامور نینگ ایتیشیچه، حیات کیچیره‌دیگن منطقه‌ده ایکینچیلر اوتگن ییل‌لردن بیری رایج بولگن اوروغلردن قوللنه‌دیلر و حاضرگچه اصلاح بولگن اوروغ اولر گه بیریلمه‌گن و برنج ایکیلیشی خصوصیده، ایکینچیلر گه تعلیم بیریلمه‌گن.
اونینگ کوپه‌یتیریشیچه، برنج ثور آیی نینگ آخرلریده ایکیله‌دی و «اونینگ بته‌سی ۴۰ کونده رشد قیله‌دی و تورت آی‌دن کیین محصول بیره‌دی؛ یعنی اوروغ نینگ ایکیلیشی‌دن محصول بیرگنی گه قدر بیش آی بوله‌دی. برنج بته‌لری آره‌سیده‌گی فاصله ۱۰ سانتی‌متر نظر گه آلینه‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ایکینچیلیک ایش بیلرمان‌لری نینگ ایتیشلریچه، ایکینچیلر بیرینچی‌ده برنج نی قوریه‌لر گه ایکیب و کیین ایسه اونینگ اوزون‌لیگی ۱۰-۱۵ سانتی‌متر ییتیشگنی پیتده، اصلی ییر گه انتقال بیریشلری کیره‌ک؛ چونکه اونگه کوره، برنج نینگ توغری اصلی ییر گه ایکیلگنی صورت‌ده، اوزباشیمچه شکلده چیقه‌دیگن اوسیم‌لیک‌لر نینگ اورته‌دن کیتیشی اوچون، قیین‌چیلیک بیلن روپه‌ره بولیشی ممکن.
برنج نینگ یخشی اوسیشی اوچون، آق و قاره کود‌لردن قوللنیشی کیره‌ک که، ایکینچیلر گه کوره، ییر نینگ عضوی ماده‌لری گه قره‌گنده، بیر جریب ییرده ۴۵ کیلوگرام قاره کود و ۳۵ کیلوگرام آق کود نینگ قوللنیلیشی ممکن.
پکتیا ده ایکینچیلیک ایش بیلرمان‌لریدن آصف، ایکینچیلر گه اوسیم‌لیک آفت‌لر آلدی آلینیشی اوچون، برنج بته‌لری نی قطار شکلده ایکیلیشی و هر قطار آره‌سیده فاصله نی ۲۵ سانتی‌متر نظر گه آلینیشی کیره‌ک.
آصف گه کوره، ایکینچیلر آفت‌لر نینگ کوپه‌یشی پیتده، «زینپ» اسملی دارو‌لردن قوللنیشلری کیره‌ک که، «اوشبو ایش اوچون، ایکی گرام زینپ ماده‌لی بیر لیتر سووده حل و کیین ایسه محصول‌لر گه سیپیله‌دی.»
بیزلرنینگ توییترده هم تعقیب قیلینگ!
پکتیا ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، جاری ییل‌ده اوشبو ولایت‌ده بیر مینگ و ۵۰۰ هکتار ییرده، برنج ایکیلگن. اولر گه کوره، اوتگن بیر ییریم ییل‌ده، پکتیا ده ایکینچیلر اختیاریده اصلاح بولگن اوروغ قرار بیریلمه‌گن.
پکتیا ایکینچیلیک ریاستی نینگ ترویج عمومی مدیری عزیز‌الله کریمی نینگ ایتیشیچه، ۱۴۰۰ ده، یالغیز اوشبو ولایت نینگ تورت تومنی‌ده تورت تُن اصلاح بولگن اوروغ ایکینچیلر گه ترقه‌تیلگن.
اونینگ کوپه‌یتیریشیچه: «قیغو بیلن، پکتیا ده هیچ بیر نهاد برنج ایکیلیش نینگ ینگی طریقه‌سی خصوصیده همکارلیک قیلگن و نه وزیرلیک، بیزلر گه جهاز بیرگنلر. انه شوو سبب، برنج ایکینی اصولی خصوصیده هیچ نرسه موجود ایمس.»
احمدخیل، لجه‌منگل، سمکنی، دندپتان و جانی‌خیل تومن‌لری پکتیا نینگ ایسیق منطقه‌لریدن دیر که، ییرلری ایکی موسوم‌ده محصول بیریب و برنج ایکینی اوچون مناسب دیر.
