پاکستان میدیالری نینگ گزارشی اساسیده، اوشبو مملکت پارلمانی، بوگون (دوشنبه، سکیز حمل) پاکستان باش وزیری عمران‌خان گه ایشانچ آواز بیریش یا بیرمسلیک اوچون آواز بیریش جریانینی باشلشی کوتیله‌دی، بو جریان ییتی کونگچه دوام ایتیشی ممکن.
عمران‌خان گه ایشانچ آواز بیریش یا بیرمسلیک جریانی جمعه کونی، بیش حمل اوتکزیلیشی کوتیلر ایدی، بیراق ملی کینگش باشلیغی نینگ نفوذی کوپ‌لیگی باعث که باش وزیر طرفداری دییله‌دی، ایکی کون آرتگه قالدیریلدی.
بیزلرنینگ فیسبوک صحیفه‌میزگه باش اورینگ!
پاکستان میدیالریدن نقل قیلینیب، اوشبو مملکت باش وزیری گه قرشی حزب‌لر، عمران‌خان نینگ استیضاح قیلیش طرح‌نی مذکور مملکت پارلمانی گه یوللـه‌گنلر. اولر عمران‌خان‌نی پاکستان نینگ اقتصاد و تشقی سیاستینی باشقریش بوییچه کفایت سیزلیککه متهم قیلیب ایتیشلریچه، او ایندی باش وزیر اوله‌راق ایشی گه دوام بیریش اوچون لایق ایمس دیر.
شوکبی مذکور حزب‌لر پاکستان نینگ حاضرگی دولتی‌نی، حکومت امکانیت‌لریدن فایده‌لنیب عمران‌خان اونمیگه تبلیغ قیلیش گه عیبله‌گنلر، بیراق پاکستان ایچکی ایشلر وزیری شیخ رشیداحمد، بو اتهام‌لرنی رد قیلگن.
عین‌حالده، حزب‌لردن قطاری ناراضی‌لیک نمایش اوتکزیب پاکستان نینگ ایالت‌لریدن اوشبو مملکت پایتختی تامان حرکت قیلگن‌لر. پاکستان نینگ سابق باش وزیری میا نواز شریف نینگ قیزی مریم نواز ییتکچلیگیده مسلم لیگ حزبی، عمران‌خان گه قرشی اعتراض یولگه قویگن.
بیزلرنینگ توییترده هم تعقیب قیلینگ!
عمران‌خان نینگ لوازمیدن بوشه‌تیش اوچون، پارلمان اعضالری نینگ ۱۷۲ آوازی گه نیاز دیر که اولر نینگ ایشانچی گه کوره، بو ایش عملی بولیشی ممکن؛ چونکه اولر نینگ ایتیشلریچه، حاکم حزب نینگ پارلمان ده‌گی اعضالری مقابل تامان گه قوشیلگن.
شو بیلن بیرگه پاکستان باش وزیری عمران‌خان نینگ تأکیدلشیچه، قدرت‌دن چیتده کیتمه‌یدی و لوازمیدن بوشه‌لمه‌یدی. او بیر بیانیه ترقه‌تیب ایتیشیچه، اوشبو آواز بیریش نتیجه‌سی نیمه بولیشیدن قطعی نظر، او قدرت‌دن چیتده کیتمه‌ی و مبارزه قیلمسدن تسلیم بولمه‌یدی.
