کنر محلی مسئوللری نینگ ایتیش‌لریچه، پاکستان حربی‌لری اوتگن کیچه اوشبو ولایت شلتن تومنی نینگ مسکونی اویلری گه توپخانه‌یی هجوملر اویوشتیرگن که نتیجه‌ده، تینچ‌اهالی‌لر شامل باله‌لر و عیال‌لر هلاک و یره‌لنگن.
کنر معلومات و مدنیت ریاست رئیسی نجیب‌الله حنیف نینگ سلام‌وطندار گه ایتیشیچه، اوچ کون‌دن بویان پاکستان حربی‌لری اوشبو ولایت شلتن، مروره و ناری تومنلری گه توپخانه‌یی هجوملر اویوشتیرگنلر.
اونینگ کوپه‌یتیریشیچه، اوتگن کیچه اوشبو ولایت شلتن تومنیده پاکستان حربی‌لری نینگ هجوم‌لریده، یشش منطقه‌لر هدف آستیده قرار تاپیب و نتیجه‌ده، عیال‌لر و باله‌لر شامل ۵ کیشی هلاک بولگن. شونینگدیک اوشبو توپخانه‌یی هجوم‌لرده باشقه بیر کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
کنر معلومات و مدنیت ریاست رئیسی نینگ ایتیشیچه، اوشبو ولایت نینگ محلی اداره رسمی‌لری مذکور موضوع نی اسلامی امارت مرکزی رسمی‌لری بیلن شریک قیلگنلر و اونینگ حل قیلیش اوچون سعی و حرکت قیلماقده‌لر.
پاکستان ییلردن بویان افغانستان چیگره منطقه‌لری اینیقسه کنر نینگ تومن‌لریدن قطاری نی راکتی هجوملر آستیده قرار بیرگن که کوپینچه وقت اهالی گه تلفات و مالی زیان‌لر ییتیشتیرگن.
شونده‌ی بیرحالده، پاکستان حربی‌لری شونینگدیک خوست‌ده وزیرستان‌لیک مهاجرلر منطقه‌لری نی بمبارد قیلگن. خوست امنیه قومندانلیگی سوزلاوچیسی مستغفر گریز نینگ سلام‌وطندار گه ایتیشیچه، پاکستان حربی‌لری اوتگن کیچه اوشبو ولایت سپیری تومنیده وزیرستان‌لی مهاجرلر حیات کیچیره‌دیگن ۴ قیشلاغ نی بمبارد قیلگنلر.
بیزلرنینگ توییترده هم تعقیب قیلینگ!
خوست امنیه قومندانلیگی سوزلاوچیسی نینگ کوپه‌یتیریشیچه، «مندته»، «امیر سپر»، «پسی میلی» و «شکونی» قیشلاغلری بمباران بولگن. اونینگ اورغولشیچه، شونینگدیک اوشبو هجوم‌ده تلفات بار ایکن؛ بیراق حاضرگچه تلفات آماری بیللی بولمه‌گن.
باشقه بیرتامان‌دن، محل یشاوچیلری نینگ سلام‌وطندار گه ایتیش‌لریچه، مذکور هجوم‌ده کمیده ۳۰ تینچ اهالی هلاک و یره‌لنیب و شونینگدیک بیر قطار یشش اوی ایسه تخریب بولگن.
حاضرگچه پاکستانی رسمی‌لر بوتوغریده هیچ بیر نرسه دیمه‌گن.
