بیلیم یورت استادلری، افغانستان بویلب اینیقسه کابل شامل شمال و شمال‌شرقی ولایت‌لر بیلیم یورت‌لری ده‌گی اوزبیک تیلی و ادبیات دیپارتمنت‌لری ده، بیر خیل معیار، بیر خیل نصاب و بیر خیل مفردات عملی بولیش اوچون سعی‌وحرکت‌لر باشلنگنیدن خبر بیره‌دیلر.
فاریاب بیلیم یورتی اوزبیک تیلی و ادبیات دیپارتمنتی استادی همده اوشبو بیلیم یورت نینگ تحقیقات و مجله بولیمی نینگ آمری محمداشرف شریفی گه کوره، اسلام امیرلیگی سونگی بیر ییل ایچیده افغانستان نینگ سکیز بیلیم یورتی ده اوزبیک تیلی و ادبیات دیپارتمنتی اوچون، ینگی نصاب و مفردات توزه‌تیش زمینه‌سینی یره‌تگن.
شریفی جنابلری نینگ کوپه‌یتیریشیچه، ۳۰۰ و ۴۰۰ بیتلی نصاب و مفردات دفتری توزه‌تیلیب یوکسک اوقوو وزیرلیگی گه تاپشیریلگن، تصویب بولیشیدن کیین تطبیق بولیب و اوزبیک تیلی و ادبیات دیپارتمنت‌لری ده بیرخیل معیار، بیرخیل نصاب، بیرخیل مفردات عملی بوله‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «اسلام امیرلیگی بیر ییل ایچیده اینک کتته بنیادی ایش قیلگن، افغانستان نینگ سکیزته بیلیم یورتی ده‌گی اوزبیک تیلی و ادبیات دیپارتمنت‌لری اوچون ینگی نصاب و مفردات توزه‌تیش زمینه‌سینی یره‌تگن.»
جناب شریفی نینگ کوپه‌یتیریشیچه، کابل بیلیم یورتی قاشی ده اوزبیک تیلی و ادبیاتی ۱۳۶۳-ییل، فاریاب ده ۱۳۶۹-ییل، جوزجان ده ۱۳۷۲-ییل و کیین‌راق بلخ ده ایجاد بولگن و جمهوریت توزومی ده ایسه تخار، بغلان و سرپل ولایت‌لری ده ایجاد بولگن. اونگه کوره، مذکور بیلیم یورت‌لرده اوزبیک تیلی و ادبیات دیپارتمنت‌لری ایجاد بولگنیدن چمه‌سی ۴۰ ییل اوتماقده ایکن، اوشبو ییل‌لر ایچیده هیچ بیر دیپارتمنت نینگ بیر خیل مفردات و نصابی بولمه‌گن.
فاریاب بیلیم یورتی اوزبیک تیلی و ادبیات دیپارتمنتی استادی محمداشرف شریفی نینگ ایتیشیچه: «۴۰ ییل ده هیچ بیر دیپارتمنت نینگ بیرته رسمی نصاب و مفرداتی یوق ایدی، استادلر اوز کوچ و امکانیت‌لری گه یره‌شه درس بیرر ایدی، ینگی نصاب و مفردات اساسیده زمانه گه برابر ینگی درس‌لیک هم توزه تیله‌دی، طبیعی که بو طلبه‌لر نینگ اوزبیک تیلینی چقورراق اورگه‌نیشی اوچون مثبت تاثیر قیله‌دی.»
شونینگدیک، استادلردن قطاری تیل؛ خلق، ملت و جمعیت گه مربوط دیب، ییگیت‌لر نینگ بیلیم و تحصیل گه ترغیب قیلیش اوچون اولر گه انگیزه بیریب و اولر نی اویغاتیش کیره‌ک دیدیلر.
بیزلرنینگ «ایکس» ترماغی ده هم تعقیب قیلینگ!
جوزجان بیلیم یورتی اوزبیک تیلی و ادبیات دیپارتمنتی استادی محمدبصیر مقیمی، ییگیت‌لردن تحصیل قیلیب، کیم‌لیک و تیل نی تانیب و تاریخ‌لرینی باشقه‌لر گه اورگه‌تیش‌لری اوستیگه تاکید ایته‌دی.
جوزجان بیلیم یورتی اوزبیک تیلی و ادبیات دیپارتمنتی استادی محمدبصیر مقیمی گه کوره: «تیل خلق، ملت و جمعیت گه مربوط دیر، ییگیت‌لر نینگ بیلیم و تحصیل گه ترغیب قیلیب و اولر گه انگیزه بیریش کیره‌ک. نظام‌لر کیلیب_کیته‌دی خلق اوز اوی نی اوزی توزه‌تسه.»
بیلیم یورت استادلریدن بیرقطاری، اوزبیک تیلی و ادبیاتی رواجلنیشی اوچون بیلیم‌لر اکادمیه‌‌سیده تورت، بیش متخصص کیشی استخدام بولیشی، هر ییلی تورت، بیش تحقیقاتی کتاب چاپ بولیشی، معارف وزیرلیگی ده بیرینچی صنف دن ۱۲- صنف گچه درس‌لیک‌لر توزیع بولینیشی، اوزبیکستان بیلن فرهنگی مناسبت قوریش، اوزبیک دین عالم‌لری؛ مسجدلرده دینی مسئله‌لرنی ساده اوزبیک تیلی ده بیان قیلیش‌لری اوستیگه تاکید ایته‌دیلر.