بوگون (شنبه، ۲۹-میزان)، فاریاب ولایتی مرکزی میمنه شهری‌ده اوزبیک تیلی ملی کونی‌دن نشانلش مقصد بیر احتفال یولگه قوییلگن. مذکور احتفال گه شرکت قیلگنلر، اهالی آره‌سیده بیرلیک و بیردم‌لیککه تاکید قیلیب و ینگی اساسی قانونده رسمی تیل صفتیده اوزبیک تیلی نینگ کیریتیلیشی نی ایسته‌گنلر.
فاریاب ولایتی مرکزی میمنه شهری‌ده ۲۹-میزان اوزبیک تیلی ملی کونی‌دن نشانلش مقصد یولگه قوییلگن اوشبو احتفال‌ده، کتاب‌لر، خطاطلیک اثرلری، رسم‌لر و تورلی‌خیل اوزبیک طعام‌لری نمایش گه قوییلگن.
مذکور احتفال گه شرکت قیلگن و فاریاب ولایتی مدنچیلریدن بیری محمداشرف شریفی، اوزبیک تیلی نینگ تاریخی نی بیان قیلیب ایتیشیچه، بو کبی برنامه‌لر قوم و قبیله‌لر نینگ مدنیتی، عرف-عادتلر، شرف و یوتوقلری نی تانیتیش مقصد یولگه قوییلیشی کیره‌ک.
بیزلرنینگ فیسبوک صحیفه‌میزگه باش اورینگ!
جناب شریفی، ینگی اساسی قانون ده رسمی تیل صفتیده اوزبیک تیلی نینگ درج بولیشی، شمالی و شمال‌شرقی برچه ولایت‌لرده‌گی مکتبلرده بیرینچی صنف‌دن ۱۲-صنف گه قدر اوزبیکچه کتاب‌لر نینگ اوقیتلیشی و قانونی اساسی گه کیریتیلیشی و شونینگدیک مملکت نینگ بیلیم یورت‌لریدن بیریده اوزبیک تیلی و ادبیات دیپارتمنتی نینگ ماسترلیک برنامه‌لری ایجاد بولینیشی نی ایستهگن.
مذکور مدنیتچی نینگ کوپه‌یتیریشیچه: «افغانستان ملی تلویزیونی‌ده اوزبیکچه‌ده حداقل ایکی ساعت نینگ اوزبیکچه گه اختصاص بیریلیشینی ایسته‌یمیز. شونینگدیک افغانستان بیلیم یورت‌لریده اوزبیکی و تورکمنی دیپارتمنتلریده ۲ ایشلاوچی بار. اولر نینگ ایشی یخشی‌لنیشی اوچون ایشلاوچیلری سانی کوپه‌یتیریلیشی کیره‌ک.»
باشقه بیر تامان‌دن، اوشبو احتفال گه شرکت قیلگن مدنی فعال و شاعرلردن بیری تاج‌محمد ایلسیور نینگ ایتیشیچه، افغانستان ده تیل‌لر نینگ خیل‌مه-خیللیگی مملکت یشاوچیلری آره‌سیده بیرلیک و بیردم‌لیککه سبب بوله‌دی.
جناب ایلسیور اسلام امیر‌لیگی‌دن اوزبیک تیلی رواجلنیشی گه علاوه، کتاب‌لر نینگ چاپ بولیشی و تعلیمی و تحصیلی نهاد‌لرده اوزبیکچه نینگ رواجلنیشی خصوصیده اعتبار قره‌تیلیشی نی ایستهگن. «بو کبی برنامه‌لر نینگ یولگه قوییلیشی، بیر ملت نینگ مدنیت و عنعنه‌لری نینگ کورسته‌دی.»
بیزلرنینگ «ایکس» ترماغی ده هم تعقیب قیلینگ!
عین حالده، فاریاب ولایتی معلومات و مدنیت ریاستی نینگ سیاحتچیلیک بولیمی آمری عبدالله مرادی، اوزبیک تیلی ملی کونی‌دن نشانلش خصوصیده خورسند‌لیک بیلدیریب ایتیشیچه، اسلام امیر‌لیگی اوزبیک تیلی و باشقه تیل‌لر نینگ رواجلنیشی و قوللب-قوتلنیشی اوچون سعی و حرکت قیلیب و افغانستان اهالی‌سی نینگ هر تور تاریخی و فرهنگی برنامه‌لریدن حمایت قیله‌دی.
فاریاب ولایتی معلومات و مدنیت ریاستی نینگ سیاحتچیلیک بولیمی آمری نینگ کوپه‌یتیریشیچه: «اوزبیک تیلی ملی کونی یا-ده باشقه هر مناسبت‌دن نشانلش، یخشی بیر ایش بولیب و هر قوم و ملت نینگ ملی کونلریدن نشانلش گه حقی بار. بو کون‌لر نینگ حس‌لش بیلن، حاضرگی و اوتمیشده‌گی افتخارلری نی یاد قیلیب و یوتوقلر تیزلیککه اونوتولمه‌یدی.»
شونینگدیک اوشبو احتفال گه شرکت قیلگن فاریاب حاکمی داملا شعیب رسالت نینگ ایتیشیچه، اوزبیک ملتی سلطان‌حسین بایقرا، امیر علی‌شیر نوایی و امیر‌تیمور کبی شخصیتلر گه ایگه بولگن ملت دیر. «امید قیله‌میز که اوزلرینگیزدن کیینگی نسل‌لرنی شو رقم تربیه قیلسه‌ینگیزلر که، نیاکان‌لرینگیز نینگ تاریخی و اثری نی تیریک سقله‌‌سینلر.»
ایتیش کیره‌ک که، تورت ییل آلدین افغانستان سابق حکومتی تامانیدن، ۲۹-میزان اوزبیک تیلی ملی کونی تعیین‌‌لنیب و هر ییلی، بو کون مملکت نینگ قطار ولایت‌لریده نشانلنه‌دی.
