جوزجان مرکزی شبرغان شهریده بیرینچی مرته نایتروجن و آکسیجن ایشلب چیقاروچی ایشخانه فعالیت گه باشله‌گن که مذکور ایشخانه نینگ ۲۴ ساعت ده ۶۰۰ آکسیجن و نایتروجن بالونی نی ایشلب چیقاریش گه کوچی ییته‌دی.
جوزجان نینگ افغان گاز تصدی رئیسی قاری محمد یوسف احمدی نینگ ایتیشیچه، شبرغان شهری نینگ جرقدوق ساحه‌سیده، ۴ یریم میلیون افغانی بهاسی بیلن آکسیجن ایشلب چیقاروچی دستگاه نصب بولگن.
جناب احمدی گه کوره، بوندن آلدین فاریاب، سرپل، جوزجان و بلخ ولایت‌لری آکسیجن وارد قیلیش اوچون کوپ قیین‌چیلیک بیلن روپه‌رو ایدی که اوشبو ایشخانه نینگ فعالیتی و آکسیجن ایشلب چیقاروچی دستگاه نینگ نصب ایتیلیشی بیلن، اوشبو قیین‌چیلیک‌لر حل بولگن.
بیزلرنینگ فیسبوک صحیفه‌میزگه باش اورینگ!
جوزجان افغان گاز تصدی‌سی نینگ فنی اورین باسری غلام صدیق نیازی نینگ ایتیشیچه، حاضر اوشبو ایشخانه مملکت شمالی‌ده‌گی ۴ ولایت نینگ احتیاج‌لرینی رفع قیلیش اوچون فعالیتی گه باشله‌گن و آکسیجن و نایتروجن ایشلب چیقاریش میزانی نی کوپه‌یتیریش اوچون سعی و حرکت‌لرنی دوامی بار.
افغان گاز تصدی‌سی نینگ فنی اورین باسری گه کوره، تولیدی فابریکه‌لر و ایشخانهلرنینگ تأسیس ایتیلیشی، ایش زمینه‌سی یره‌تیش گه علاوه، شونینگدیک دولت خزانه‌سی گه یخشی عواید باره‌دی.
جوزجان یشاوچی‌لریدن قطاری اوشبو ولایتده آکسیجن ایشلب چیقاریش ایشخانه تأسیس ایتیلگنی نینگ خوش قرشیله‌گن.
آکسیجن و نایتروجن‌دن کسل‌لرنی درمان‌لش، تولیدی ایش‌خانه‌لر و بلیق تربیه‌لشی اوچون قوللنیله‌دی.
