ایچکی ایشلر وزیرلیگی ترافیک عمومی ریاستی مسئوللری نینگ ایتیشلریچه، اوتگن آلتی‌ده مملکت‌ده ۲مینگ ۸۲۹ ترافیکی حادثه یوز بیریب و نتیجه‌ده، ۱۱۴۱ کیشی اولیب و ۳۷۱۷ کیشی ایسه یره‌لنگن.
ایچکی ایشلر وزیرلیگی ترافیک عمومی ریاستی نینگ پلان مدیری عبدالودود خیرخواه گه کوره، مذکور ترافیکی حادثه‌لردن کوپینچه‌سی نینگ سببی، بیر کلیدی موترلر دیر. «اوتگن آلتی آیده تلفات سانی که ۱۴۰۲-ییل‌ده اوچ آی و ۱۴۰۳-ییل‌ده اوچ آی نی آله‌دی، قریب ۲۸۲۹ ترافیکی حادثه دیر که اوشبو حادثه‌لر ۱۱۴۱ کیشی نینگ اولیمی و ۳۷۱۷ کیشی نینگ یره‌لنیشی گه سبب بولگن. بو حادثه‌لردن کوپینچه‌سی نینگ سببی بیر کلیدی موترلر دیر.»
بیزلرنینگ «ایکس» ترماغی ده هم تعقیب قیلینگ!
ایچکی ایشلر وزیرلیگی ترافیک عمومی ریاستی مسئوللری، ترافیکی قاعده-قانون نینگ رعایت ایتیلمسلیگی، سرکلر بوزوق‌لیگی، هیداوچیلر نینگ تیز هیده‌شی و خوفسیزلیک فاصله‌لر یوقلیگی نی، مملکت‌ده ترافیکی حادثه‌لر نینگ یوز بیریشی عامللریدن بیله‌دیلر.
شونده‌ی بیرحالده، مملکت‌ده یشاوچیلردن قطاری ترافیک پولیس‌دن بیر کلیدی موترلر اوچون چیکلاو یره‌تیلیشی نی ایسته‌گنلر.
جوزجان ولایتی قیصار تومنی یشاوچیسی مراد نینگ ایتیشیچه، اوتگن کون جوزجان-فاریاب قتناو یولیده یوز بیرگن بیر ترافیکی حادثه نتیجه‌سیده، تورت باله شامل بیر عایله نینگ سکیز اعضاسی هلاک بولگن.
اونینگ کوپه‌یتیریشیچه، بیر کلیدی موترلر نینگ اوتیب-قیتیشی و هیداوچیلر نینگ احتیاط‌سیزلیگی اوشبو ولایت‌ده ترافیکی حادثه‌لر نینگ یوز بیریشی اساسی سببلریدن دیر. اونینگ کوپه‌یتیریشیچه: «حادثه‌لر سببی هیداوچیلر نینگ احتیاط‌سیزلیگی و بیر کلیدی موترلر نینگ اوتیب-قیتیشی دیر.»
اوتگن هفته چهارشنبه کونی کابل-جلال‌آباد قتناو یولیده یوز بیرگن ترافیکی حادثه‌ده ایاغی زیان کورگن ننگرهار یشاوچیسی راهیان‌الله نینگ ایتیشیچه، ترافیکی حادثه‌لردن کوپینچه‌سی نینگ سببی، بیر کلیدی موترلر دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «کابل و ننگرهار قتناو یولیده کون بویی یوک تاشووچی موترلر گه رخصت بیریلمسلیگی نی ایسته‌گن و شونینگدیک بیر کلیدی موترلر کوپه‌یگن و اولر گه چیکلاو یره‌تیلیشی کیره‌ک که کوپینچه قیین‌چیلیک نی شولر یره‌تگن.»
ایچکی ایشلر وزیرلیگی ترافیک ریاستی نینگ معلوماتی اساسیده، اوتگن آی کابل ۱۸۴ ترافیکی حادثه، هرات ۱۴۶ ترافیکی حادثه، سمنگان ۱۳۰ ترافیکی حادثه و غزنی ۱۲۶ ترافیکی حادثه بیلن مملکت‌ده کوپینچه ترافیکی حادثه یوز بیرگن ولایت‌لردن دیر.
