ناگرانلر و شهیدلر وزیرلیگی مسئوللری، بوگون (چهارشنبه، ۳۱-اسد)، امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، اوتگن بیر ییلده ناگرانلر و شهیدلر عایله‌لری گه ۱۵ میلیارد‌دن آرتیق افغانی ترقه‌تگنلر.
ناگرانلر و شهیدلر وزیرلیگی معینی عبدالحکیم حقانی نینگ ایتیشیچه، اوتگن بیر ییلده ۶۵۳ مینگ ۲۶۵ ناگران، بیوه عیال و ییتیم باله بو وزیرلیک‌ده ثبت بولگن. اونینگ کوپه‌یتیریشیچه: «ثبت بولگن ۶۵۳ مینگدن آرتیق کیشی‌دن ۳۶۹ مینگ ۵۳۳ ته‌سی ییتیم، ۹۴ مینگدن آرتیغی بیوه و ۱۸۹ مینگ ۶۵۳ مینگ ته‌سی ناگران کیشیلر دیر و حاضرگچه ۶۱۲ مینگدن آرتیق کیشی بو وزیرلیک تامانیدن نقدی یاردم قولگه کیلتیرگن.»
بیزلرنینگ «ایکس» ترماغی ده هم تعقیب قیلینگ!
حقانی نینگ کوپه‌یتیریشیچه، بو وزیرلیک‌ده ثبت بولگن ۶ یوزمینگ‌دن آرتیق شهیدلر و ناگرانلردن، ۱۶۷ مینگ ۶۴۵ ته‌سی امارتی کوچلری گه تیگیشلی، ۳۶۳ مینگ ۳۲۱ ته‌سی تینچ اهالی گه تیگیشلی و ۱۲۲ مینگ ۲۹۹ ییتیم باله، بیوه عیال و ناگران کیشی، سابق حکومت خوفسیزلیک و مدافعه کوچلری گه تیگیشلی دیر.
ناگرانلر و شهیدلر وزیرلیگی معینی گه کوره، اولر نینگ تیکشیریشلری جریانیده اوشبو وزیرلیک‌ده ثبت بولگن ۲۸ مینگدن آرتیق شهیدلر و ناگران کیشی، یاردم قولگه کیلتیریش گه مستحق تانیلمه‌گن. «اوتگن ییل اسد آیی‌دن بو ییل اسد آیی‌گچه، بیزلر گه بولگن ۱۵ میلیارد‌دن آرتیق افغانی بودجه‌دن، شهیدلر عایله‌لری و ناگران کیشیلر و شونینگدیک اوتمیش‌ده‌گی عسکرلر، ییتیم باله‌لر و بیوه عیال‌لر گه بانک آرقه‌لی آیلیک بیردیک.»
باشقه بیر تاماندن، شهیدلر و ناگرانلر وزیرلیگی نینگ مالی و اداری عمومی باشلیغی کلیم‌الله افغان نینگ ایتیشیچه، اوتگن بیر ییلده ۸۹ مینگ کیشی گه یاردم بیرگنلری یانیده، موسسه‌لر بیلن ۶۷ همکارلیک شرطنامه‌سی نی امضالش بیلن ناگرانلر و شهیدلر عایله‌لری گه یاردم بیریش اوچون بیر میلیون ۸۳ مینگ دالر نی قولگه کیلتیرگنلر.
بیزلرنینگ فیسبوک صحیفه‌میزگه باش اورینگ!
جناب افغان نینگ کوپه‌یتیریشیچه: «اوتگن ییل همکار موسسه‌لر و ییتیم باله‌لر، ناگرانلر و اقتصادی ضعیف بولگن سرپرست‌سیز عیاللرنی قوللب-قوتله‌یدیگن موسسه‌لر همکارلیگی‌ده، ۶۷ همکارلیک شرطنامه امضا بولدی و ۴ میلیون ۵۰۰ مینگ دالرلیک خذمتلر ارائه بولیب و ۱۲۰ کیشی گه مسلکی و فنی تعلیم‌لر بیریلگن.»
ایتیش کیره‌ک که، سونگی پیتلرده نیچه مرته ناگرانلر و شهیدلر عایله‌لری آیلیک‌لری نینگ ییترلی بولمه‌گنی و وقتی‌ده توللنمسلیگی‌دن شکایت قیلگنلر.
