غور ده بیر ییگیت، اوشبو ولایت‌ده ایچیم‌لیک سوو خصوصیده اهالی قیین‌چیلیگی حلی مقصد، ۱۰ مینگ دالر ارزشی‌گه بیر کارخانه قورگن. مذکور کارخانه مسئولی کرام‌‌الدین محمدی نینگ ایتیشیچه، اوشبو کارخانه‌ده غور ولایتی مرکزی فیروزکوه شهری یشاوچیلری اوچون کونده ۲۰ مینگ لیتردن آرتیق ایچیم‌لیک سوو تامینله‌یدیلر.
ناگرانلر و شهیدلر وزیرلیگی مسئوللری، بوگون (چهارشنبه، ۳۱-اسد)، امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، اوتگن بیر ییل‌ده ناگرانلر و شهیدلر عایله‌لری گه ۱۵ میلیارد‌دن آرتیق افغانی ترقه‌تگنلر.
پاسپورت ریاستی مسئوللری، مملکت بویلب یشاوچیلر گه پاسپورت توزیع قیلیش جریانی عادی حالتیگه قیتگنینی معلوم قیله‌دیلر. پاسپورت ریاستی سۉزلاوچیسی نورالله پتمن سلام‌وطندار بیلن اۉتکزگن صحبتیده، ولایت‌لرده پاسپورت طلب‌گالری سانی کمه‌یگنینی اېتگن.
بغلان ولایتی امنیه قوماندان‌لیگی سۉزلاوچیسی شیراحمد برهانی گه کوره، بو واقعه ۳۰-اسد، سه‌شنبه دن چهارشنبه گه اوتر کیچه خنجان تومنی حدودلری «کجکی للمه» ساحه‌سیده «کرولا» رسوملی بیر موتر «لند کروزر» رسوملی بیر موتر بیلن توقنشووی سبب یوز بیرگن. برهانی جنابلری گه کوره، اوشبو واقعه ده تورت کیشی قربان بولیب و باشقه تورت کیشی یره‌لنگن.
سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی بوگون و اېرته (۳۱-اسد و ۱-سنبله) کونلری مملکت نینگ ۱۸ ولایتیده کوچلی یامغیر یاغیب، سوو تاشقینی و بوران یوز بیریش احتمالیدن آگاه‌لنتیرگن.
پاکستان یېتکرمه‌لری نینگ معلوماتی اساسیده اوشبو مملکت نینگ بلوچستان ایالتیده باله‌لر فلجی (پولیو) ۱۵-مثبت واقعه‌سی قید اېتیلگن. معلومات‌لر اساسیده، بوگون (۳۱-اسد، چهارشنبه) بلوچستان ایالتی «خاران» منطقه‌سیده ۲۳ یاشر بیر باله نینگ پولیو گه چلینگن‌لیگی انیقلنگن.
افغانستان فوتبال فدراسیونی بوگون (۳۱-اسد، چهارشنبه) فیسبوک صحیفه‌سیده بیر خبر ترقه‌تیب، مملکت ۱۷ یاشنی تولدیرمه‌گن تیرمه جماعه‌سی اوشبو کیچه افغانستان وقتی بیلن ساعت ۹:۰۰ ده تاجیکستان تیرمه جماعه‌سی بیلن بیلله شووینی یازگن.
افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) باشلیغی، تاج‌الدین اویولی نینگ ایتیشیچه، اوشبو نهاد جاری میلادی ییل نینگ باشلنگنی‌دن حاضرگچه ۲۴۰ ساغلیق مرکز آرقه‌لی ۱۸ میلیون کیشی گه ساغلیق خذمتلرنی ارائه قیلگن.
پنجشیر و پروان ده محلی مسئوللر نینگ ایتیشلریچه، اوتگن کون توش‌دن کیین (سه‌شنبه، ۳۰-اسد)، یوز بیرگن سوو تاشقینلر مذکور ولایت‌لر یشاوچیلری گه کوپینچه مالی زیان ییتیشتیرگن.
روسیه دولت رهبری ولادیمیر پوتین، آلدین خبر قیلینمه‌گن بیر سفرده چیچنستان گه بارگن. «ده مسکو» کونده‌لیگی گه کوره، ولادیمیر پوتین ۳۰-اسد، سه‌شنبه کونی قریب ۱۴ ییلدن سۉنگ چیچنستان گه سفر قیلیب و اوشبو مملکت رهبری رمضان قدیروف بیلن اوچره‌شگن. رمضان قدیروف اوشبو ییل می آیی ده روسیه جمهور باشلیغی دن چیچنستان گه سفر قیلیشینی سۉره‌گن اېدی.
روسیه اردوسی، دونتسک ده اوکراین نینگ شرقی حدودلریده جایلشگن «نیو یورک» کیچیک شهرینی باسیب آلگن. خلق‌ارا یېتکرمه‌لر نینگ معلوماتی اساسیده، روسیه اردوسی اوشبو شهر یقینی و باشقه منطقه‌لرده هجوملری گه دوام بیرماقده‌لر، لېکن اوکراین حربی کوچلری بو هجوملر گه توسیق بولیش گه سعی-حرکت قیلماقده‌لیک‌لرینی اېتگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
