مملکت‌ده حکم سوره‌یاتگن سونگی ناتینچ‌لیکلر یانیده اوتگن کون کابل نینگ ۴-ناحیه‌سیده بیر مسجد‌ده پارتلش یوز بیردی، مملکت یشاوچیلردن قطاری نینگ ایتیش‌لریچه، سونگی ناتینچ‌لیککلر گه قره‌گنده، مسجد‌لرده هم امنیت تأمین ایمس.
اهالی آره‌سیده یوز بیره‌دیگن پارتش‌لر و ناتینچ‌لیکلر نینگ دوامی‌ده، اوتگن کون کابل ده اینه بیر مراتبه پارتلش یوز بیردی. مذکور پارتلش کابل نینگ ۴-ناحیه‌سی‌گه جایلش «حضرت زکریا مسجدی‌ده» شام نمازی ادا ایتیله‌یاتگن بیر پیتده یوز بیرگن.
بیزلرنینگ فیسبوک صحیفه‌میزگه باش اورینگ!
یشاوچیلردن قطاری اسلامی امارت‌دن تنقید قیلیب، سلام‌وطندار گه ایتیش‌لریچه، اولرنینگ حتی مسجد‌ده هم امنیتلری تأمین ایمس.
«عمریه» مدرسه‌سی نینگ اوقووچیلریدن بیری روح‌الله، پارتلش‌لردن بیریده اوقیتووچیسی نی قولدن بیرگن. او اسلامی امارت‌دن تنقید‌لب ایتیشیچه، اسلامی امارت اهالی نینگ امنیتی نی تأمین قیلیشنی ایستمه‌یدی.
شونینگدیک پارتاش یوز بیرگن محل یشاوچیلریدن بیری فرشاد نینگ سلام‌وطندار گه ایتیشیچه، بوتون افغانستان ده تینچ اهالی اولدیریلیشی نینگ دوامی بار و اسلامی امارت اونینگ آلدینی آلیشی کیره‌ک.
اونینگ کوپه‌یتیریشیچه: «داعش یا-ده هر کیم بولسه هم اسلام نی بدنام قیله‌دیلر مسجد تینچ بیر ییر واو الله نی اویی دیرآدم او ییر گه باره آلمسه خی پس قیرگه باره آله‌دی خداوند اوزی رحم قیلسین، یالغیز هزاره و تاجیک نی اولدیریش ایمس، بلکیم بو ایش بوتون افغانستان اهالیسی گه دوام قیلماقده.»
شونده‌ی بیرحالده، اوشبو واقعه گواه‌لری نینگ ایتیش‌لریچه، ایکی کون آلدین بیر کیشی مذکور مسجد گه بیر پکه کیتیرگن ایدی و اوشبو پکه ایچیدن آلاو چیقیب و یامان بیر سیس‌دن کیین، پارتله‌دی.
نوراحمد پارتلش جریانیده مسجد ایچیده ایکن، اونینگ ایتیشیچه، فرض نمازیدن کیین، دعا اوقیش جریانیده اوشبو واقعه یوز بیرگن، مذکور واقعه شاهدلریدن باشقه بیری حسیب‌الله نینگ ایتیشیچه، اوشبو واقعه‌دن بیر کون اوتگنی بیلن؛ بیراق حاضرگچه مذکور پارتلش نینگ دهشتلی سیسی باعث قولاق‌لری آغریدی.
شونده‌ی بیرحالده، «عمریه» مدرسه‌سی نینگ اوقووچیلریدن عبدالرحمن، بغلان ولایتی نینگ تاله و برفک تومنیدن، تعلیم آلیش اوچون بو مسجد گه کیلگن ایکن که اوشبو حادثه‌ده، اوقیتووچیسی و دوست‌لریدن اوچ ته‌سی نی قولدن بیرگن.
کابل امنیه قومندانلیگی نینگ سوزلاوچیسی خالد زدران نینگ توییتر صحیفه‌سیده یازیشیچه، اوشبو پارتلش‌ده ۶ کیشی اولیب و ۱۸ کیشی ایسه یره‌لنگن.
بیزلرنینگ توییترده هم تعقیب قیلینگ!
ایتیلیشچه، اوتگن کون بلخ مرکزی مزارشریف نینگ ۵- و ۱۰-ناحیه‌لریده یوز بیرگن پارتلش‌لرده، ۹ کیشی اولیب و ۱۵ کیشی ایسه یره‌لنگن. اوشبو پارتلش‌لر مسئولیتی نی داعش گروهی بوینیگه آلگن.
ایتیش کیره‌ک دیر که، سونگی نیچه آیده، کابل، هرات، بلخ، قندوز و قندهار ولایت‌لری پارتلش‌لر گه گواه ایدی که اوشبو پارتلش‌لر نتیجه‌سیده تینچ اهالی قربان بولگن.
شونده‌ی بیرحالده اسلامی امارت سوزلاوچی‌لری اهالی امنیتی نینگ تامین قیله آلمه‌یشلری خصوصیده سلام‌وطندار بیلن صحبت قیلیش گه حاضر بولمه‌گنلر.