ایچکی ایشلر وزیرلیگی سوزلاوچیسی طارق آرین نینگ ایتیشیچه، بوگون (شنبه،۲۲- قوس) ایرته‌لب پایتخت نینگ ایریم بولیم‌لریده ۱۰ راکت اصابت قیلگن کیم نتیجه‌ده، بیر کیشی هلاک و باشقه ۲ کیشی یره‌لنگن.
جناب آرین گه کوره، مذکور راکتلرنینگ ۳ ته‌سی کابل هوا قونالغه‌سی‌نینگ اطرافیده، ۵ ته‌سی ۹- خوفسیزلیک حوزه‌سیگه تیگیشلی هواشناس‌لیک یشش ییرلرده، بیر راکت هم ۹- خوفسیزلیک حوزه‌سیده‌گی زن‌آباد منطقه و باشقه بیرته‌سی ایسه ۱۵- خوفسیزلیک حوزه سیگه تیگیشلی خواجه رواش منطقه‌سیده اصابت قیلگن.
اونینگ کوپه‌یتیریشیچه، بو راکتلر «لب جر» منطقه‌سیدن آتیلگن. مذکور حادثه مسئولیتی نی حاضرگچه بیرار شخص یا-ده گروه اوز بوینیگه آلمه‌گن.
کمیده ۳ هفته آلدین (شنبه، ۱- قوس) کابل شهری نینگ ایریم منطقه لریده ۲۴ راکتی اوقی اصابت قیلگن ایدی کیم نتیجه‌ده، ۸ کیشی هلاک و باشقه ۳۱ کیشی یره‌لنگن ایدی.
