افغانستان ده اسلام امیرلیگی قدرت گه ایریشگنی‌دن کیین، اسلام امیرلیگی رهبری هبت‌الله آخوندزاده نینگ بویروغی بیلن کیینگی امرگچه آلتینچی صنف‌دن یوقاری قیز اوقووچیلر یوزیگه مکتب‌لر ایشیگی یاپیلگن. اوشبو مدت جریانیده افغانستان ده قیز اوقووچیلر اوچ دور آلتینچی صنف نی بیتیرگنلر؛ بیراق بو صنف‌دن یوقاری تعلیم‌لری گه دوام بیره آلمه‌گنلر.
سلام‌وطندار؛ آلتینچی صنف نی بیتیرگن ۲۳ قیز اوقووچی بیلن صحبت قیلگن، اولر ارا ۱۹ ته‌سی نینگ ایتیشلریچه، تعلیم‌لرینی بیتیرمه‌گنلری اوچون امید‌سیزلر و اولردن تورت ته‌سی ایسه قیزلر یوزیگه مکتب‌لر ایشیگی آچیلیشی گه امید‌وارلر. اوشبو ۲۳ قیز اوقووچی اسلام امیرلیگی سرپرست حکومتی‌دن مکتب‌لر ایشیگی آچیلیشینی ایسته‌یدیلر.
کابل شهریده‌گی «لیسه زرغونه» ده سیناولری نی بیتیرگن ۹ یاشر حاسنات، ۱۳ یاشر ستایش و ۱۰ یاشر مسیحه نینگ ایتیشیچه، مکتب گه شامل بولیشدن بیری، بویوک و تانیقلی شخصیت بولیشنی آرزو قیلگن ایدیلر؛ بیراق آلتینچی صنف‌دن یوقاری قیز اوقووچیلر گه مکتب باریش اوچون رخصت بیریلمه‌سلیگی، اولر نی نابیللی بیر کیله‌جک بیلن روپه‌ره قیلگن.
بیزلرنینگ «ایکس» ترماغی ده هم تعقیب قیلینگ!
بوتوغریده حاسنات نینگ ایتیشیچه: «برچه کیشی قیغولنگن، اسلام امیرلیگی درس اوقیش اوچون یالغیز ییگیت‌لر گه رخصت بیره‌‌دی. شفاکار بولیش ایسته‌یمیز؛ چونکه مملکتی‌میزده اهالی‌دن کوپینچه‌سی نظافت نی رعایه قیلمه‌یدیلر.»
شونینگدیک ستایش نینگ ایتیشیچه: «کیله‌جک‌ده شفاکار بولیش ایسته‌ر ایدیم، اولکه‌م گه خذمت قیلیش ایسته‌ر ایدیم؛ بیراق قیزلر یوزیگه برچه نرسه یاپیلدی، عایله‌م مین درس اوقیب، شفاکار بولیب و اولکه‌م گه خذمت قیلیش نی کوپ ایسته‌یدی.»
باشقه بیر تامان‌دن، اوشبو گزارش‌ده اولر بیلن صحبت قیلینگن اوقووچیلر نینگ ایتیشلریچه، آلتینچی صنف نی بیتیریب، کیله‌سی ییللری اوچون بیللی بیر برنامه‌لری یوق دیر.
کابل شهری «لیسه‌ی رحمان مینه» اوقووچیسی نازیه نینگ ایتیشیچه: «حکومت‌دن مکتب‌لر آچیلیشی نی ایسته‌یمن که قیزلر هم درس اوقیسین.»
بو آره‌ده مذکور اوقووچیلردن باشقه تورت ته‌سی، مکتب‌لر ایشیگی آچیلیشی اوچون امید‌وارلیک بیلدیریب ایتیشلریچه، ینگی تعلیمی ییل باشلنیشی بیلن برچه قیزلر یوزیگه مکتب‌لر ایشیگی آچیلیشی نی ایشیتگنلر.
شونینگدیک بو ییل «نسوان بی‌بی رابیا» مکتبی‌ده آلتینچی صنف نی بیتیرگن ۱۲ یاشر ریحان، برچه قیزلر یوزیگه مکتب‌لر ایشیگی آچیلیشی خصوصیده امیدوار دیر. «عایله‌م مکتب‌لر ایشیگی آچیلیشی خصوصیده امید‌لی بول دییدیلر و مینی هم امیدیم بار. اوی‌ده بولگنیم پیتده پیشرفت قیله آلمه‌یمن. مکتب‌لر آچیلیشی و مملکتیمیز نینگ رواجلنیشی کیرهک.»
شونده‌ی بیرحالده، اوشبو گزارش‌ده صحبت قیلینگنلر نینگ ایشانچی گه کوره، تعلیم نینگ دوام بیریش، اوزلری و جمعیت پیشرفتی اوچون کیره‌کلی دیر. بو ییل آلتینچی صنف نی بیتیریب و بو گزارش‌ده صحبت قیلینگن ۲۳ قیز اوقووچیدن برچه‌سی، قیزلر یوزیگه مکتب‌لر ایشیگی آچیلیشی نی ایسته‌یدیلر.
بو توغریده «نسوان بی‌بی رابیا» مکتبی اوقووچیسی بولمیش دنیا نینگ ایتیشیچه: «اسلام امیرلیگی‌دن قیزلر یوزیگه مکتب‌لر ایشیگی آچیلیشینی ایسته‌مین.»
شونینگدیک بو توغریده «لیسه زرغونه» اوقووچیسی زینب نینگ ایتیشیچه: «حکومت‌دن مکتب‌لر ایشیگی آچیلیشی نی ایسته‌مین؛ چونکه هر ییرده عیاللر، ایرکک شفاکار یانیگه باره آلمه‌یدی و عیال شفاکار گه نیاز بار. قیزلر نینگ درس اوقیشی اوچون مکتب‌لر ایشیگی آچیلسین.»
مذکور اوقووچیلر نینگ کوپه‌یتیریشلریچه، علم اورگنیش ایرکک و عیال گه فرض بولگن دیر.
آلتینچی صنف‌دن فارغ بولگن اوقووچیلردن باشقه بیری نینگ ایتیشیچه: «مکتب‌لر ایشیگی آچیلیشی خصوصیده امید‌وارمین. فضانورد بولیش نی ایسته‌یمن و فضا که کیته‌دیگن بیرینچی افغانستان‌لیک عیال بولیش نی ایسته‌یمن.»
شونده‌ی بیرحالده، بو ییل آلتینچی صنف بولگن قیزلر گه درس بیره‌دیگن اوقیتووچیلر هم، برچه قیزلر یوزیگه مکتب‌لر ایشیگی آچیلیشی نی ایسته‌ب ایتیشلریچه، تعلیمی اوچ ییل جریانیده، اوقووچیلر دایم آلتینچی صنف‌دن یوقاری قیز اوقووچیلر یوزیگه مکتب‌لر ایشیگی آچیلیشی خصوصیده سوراق سوره‌گنلر و اولر حکومت رسمی‌لری تامانیده بیریلگن مصلحت‌لر نی تصدیق‌لشدن باشقه جواب‌لری یوق ایکن.
مذکور اوقیتووچیلر نینگ کوپه‌یتیریشلریچه، اوقووچیلری تعلیمی ییل یکونلنیشی بیلن، گاه امیدوار و گاه ایسه خواطرلی کورینه‌ر ایکنلر.
کابل شهری‌ده مکتب‌لردن بیریدهگی اوقیتووچیلردن نوریه سادات نینگ ایتیشیچه: «چون دولت مکتب‌لر ایشیگی آچیلیشی اوچون سوز بیرگن ایدی و قریب خواطرلر گه سبب بولگن.»
شونینگدیک کابل شهری مکتب‌لردن بیریدهگی اوقیتووچیلردن صنم صدیقی نینگ ایتیشیچه: «قیزلر یوزیگه مکتب‌لر ایشیگی آچیلمه‌سلیگی، اولر گه کوپ تاثیر قیلگن. بیزلردن مکتب‌لر آچیلیشی خصوصیده سوراق سوره‌له‌دی که قچان آچیله‌دی دیب. حکومت‌دن مکتب‌لر آچیلیشی و قیزلر نینگ ایرکک‌لر کبی ایشله‌یشی گه رخصت بیریلیشی نی ایسته‌یمیز؛ اولر هم درس اوقیب آرزولریگه ییتیشیش نی ایسته‌یدیلر.»
عین حالده، تعلیم و تربیه حوزه‌سی بیلرمان‌لری، آلتینچی صنف‌دن یوقاری قیزلر یوزیگه مکتب‌لر ایشیگی یاپیق قالگنی نی خواطرلنتیرووچی دیب و ایتیشلریچه، حکومت جمعیت رواجلنیشی اوچون تعلیمی فرصت‌لردن قوللنیب و بو فرصت‌لر نینگ بویوک قیین‌چیلیکلر گه اوزمه‌سلیگی گه رخصت بیرمه‌سین.
تعلیم و تربیه حوزه‌سی بیلرمان‌لریدن جمال‌الدین سلیمانی نینگ ایتیشیچه: «قیغو بیلن مکتب‌لر ایشیگی یاپیق قالگنی‌دن ینه بیر ییل اوتدی و بو بیر قیین‌چیلیک دیر. بو تعلیمی نصاب نینگ آرتده قالیشی و اهالی نینگ حکومت برابریده ایشانچ‌سیزلیگی گه سبب بوله‌دی. معارف وزیرلیگی بیر طرح خصوصیده ایشله‌شی کیرهک که تعلیم زمینه‌سی نی یره‌تسین. بو موضوع گه توجه بولمه‌گنی صورت‌ده، تعلیم بحرانی آستیده قاله‌میز.»
بیزلرنینگ فیسبوک صحیفه‌میزگه باش اورینگ!
شونینگدیک عیال حقوقی فعاللری، حاضرگی شرایط دوامی نی خواطرلنتیرووچی دیب و ایتیشلریچه، مکتب‌لر ایشیگی یاپیق قالگنی، مملکت نینگ برچه قوم‌لری خصوصیده جبران بولمه‌گن زیان‌لر نی ییتیشتیره‌دی.
عیال حقوقی فعالی زهرا علی‌زی نینگ ایتیشیچه، عیاللر جمعیت معمارلری نینگ بیر بولیمی دیر و اونگه کوره، عیاللر نینگ سواد‌سیز قالیشی صورت‌ده، مملکت جمعیتی‌دن بیر قسمی گه تاثیر قویشی ممکن.
بو توغریده حکومتی مسئوللر فکرینی آلیش اوچون سعی و حرکت قیلدیک؛ بیراق معارف وزیرلیگی، سوزلاوچیسی یوقلیگی سبب جواب بیریش گه حاضر بولمه‌ی و سرپرست حکومت سوزلاوچیسی ذبیح‌الله مجاهد ایسه سلام‌وطندار نینگ سوراقی خصوصیده، بو موضوع نینگ معارف وزیرلیگی گه تیگیشلی بولگنی نی بیان قیلگن.
ایتیش کیرهک که، نیچه مدت آلدین تشقی ایشلر وزیرلیگی سرپرستی امیرخان متقی پاکستان استراتژیک مطالعه‌لر مرکزی‌ده یولگه قوییلگن ییغین‌ده، افغانستان ده قیزلر و عیاللر تعلیمی تقیق‌لنگنی نینگ دایمی بولمه‌گنی نی ایتگنی بیرحالده، آلتینچی صنف‌دن یوقاری قیزلر یوزیگه مکتب‌لر ایشیگی آچیلمه‌سلیگی خصوصیده خواطرلر بیان بولگن.
