خبرچی عیال‌لردن بیر قطاری، خبری ییغین‌لردن قطاری گه شرکت قیله آلمس‌لیک‌‌‌لریدن تنقید‌لب ایتیش‌لریچه، اولر برابریده یره‌تیلگن چیکلاولر، ایشلری خصوصیده سلبی تاثیر قویگن دیر.
کابل شهریده تصویری میدیا‌لردن بیریده ایشله‌یدگن عیال خبرچیلردن بیری فرحناز فریبرز نینگ ایتیشیچه، نیچه مرته خبری ییغین‌لر گه دعوت بولگن؛ بیراق اسلام امیرلیگی کوچلری مذکور ییغین‌لر گه شرکت قیلیشی اوچون رخصت بیرمه‌گن.
اونینگ کوپه‌یتیریشیچه: «کوپینچه پیت، نادرست بیر وضعیت بیلن برنامه‌لردن چیقریلدیم و مینگه گزارشیم نی توزه‌تیش اوچون رخصت بیرمه‌دیلر. بعضا هم یالغیز تصویر آله‌دیگن ایش‌داشیمیز گه رخصت بیریلگن و مینگه رخصت بیریلمه‌گن. بو وضعیت عالی اوقوو وزیرلیگی، معارف و بیر قطار خوفسیزلیک برنامه‌لرده اورته گه کیلگن دیر.»
بیزلرنینگ توییترده هم تعقیب قیلینگ!
شونینگدیک کابل شهریده تصویری میدیالرده ایشله‌یدگن عیال خبرچیلردن باشقه بیری مینه (مستعار اسم)، نینگ سلام‌وطندار گه ایتیشیچه، دولتی نهاد‌لر نینگ همکارلیک قیلمه‌سلیگی و اولر نینگ خبرچی عیاللر بیلن ایکی‌تور رفتاری، میدیالرده اولر نینگ ایش قیلیش‌لری نی قیین قیلگن.
اونینگ کوپه‌یتیریشیچه: «کوپینچه وقت نیازیمیز بولگن معلومات نی قولگه کیلتیره‌آلمه‌یمیز. قیز گه معلومات گه قول تاپیش قیین بولگن. کنفرانس‌لر گه کیته‌دیگنی‌میز پیتده، قیزلر گه مناسب بولمه‌گن ییر بیریله‌دی که، کوپ اوزاق و کمره‌مین بیلن هماهنگ‌لیگیمیز کیسیله‌دی. بو مین روپه‌ره بولگنیم بیر وضعیت دیر.»
شونینگدیک هرات ده خبرچیلردن بیری ملکه محمود‌زاده نینگ ایتیشیچه، اوشبو ولایت‌ده‌گی خبرچی عیاللر، مصاحبه آلیش و دولتی نهاد‌لر آرقه‌لی یولگه قوییلگن خبری ییغین‌لر گه شرکت قیله آلمه‌یدیلر. اوشبو خبرچی نینگ کوپه‌یتیریشیچه: «اسلام امیرلیگی ایرکک‌لر گه بیره‌دیگن معلومات نی بیزلر گه بیرمه‌یدی. ریاست‌لردن بیری گه تماس آلگنی‌میز پیتده، معلومات بیرمه‌یدیلر. بو توغریده ایرکک‌لر تماس آلسین و عیاللر بیلن صحبت قیلمه‌یمیز دیه‌دیلر.»
شونده‌ی بیرحالده، عیال خبرچیلردن باشقه بیریم مژده (مستعار اسم)، اسلام امیرلیگی تامانیدن خبری ییغین‌لرده عیال خبرچیلر نینگ شرکت قیله آلمه‌سلیگی نی خواطرلنتیرووچی عنوان قیلیب و معلومات و مدنیت وزیرلیگی‌دن اوشبو قیین‌چیلیک‌لر یکونلنیشی نی ایسته‌یدی.
مذکور خبرچی نینگ ایتیشیچه: «اسلام امیر‌لیگی‌دن ایش خصوصیده تبعیض نی اورته‌دن کیتگیزیشی، عیال خبرچیلر نینگ خواطرلری و گزارش تیارلش خصوصیده روپه‌ره بولگن‌لری چیکلاولر نینگ یکونلنتیریلیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
عین حالده، معلومات و مدنیت وزیرلیگی مسئوللری عیال خبرچیلر برابریدهگی رفتار‌لری نی شخصی عنوان قیلیب و ایتیش‌لریچه، خبرچیلر برابریدهگی قیین‌چیلیک‌لی نی اساسی شکلده حل قیلینیشی خصوصیده سعی و حرکت قیلماقده‌‌لر.
معلومات و مدنیت وزیرلیگی نماینده‌سی عبدالحق حماد نینگ سلام‌وطندار گه ایتیشیچه: «قیزلر و ایرکک‌لر نینگ معلومات گه قول تاپیشی بیر قیین‌چیلیک دیر؛ بیراق وزیرلیک‌لر سوزلاوچیلری بیلن جلسه‌میز بار ایدی. امکانیت‌لر نی آشیریش و معلومات ییتیشتیرش سیستمی نی ایجاد قیلیش خصوصیده کوپینچه پیشرفت‌لر بولگن و برچه خبرچیلر قیین‌چیلیک‌لری نینگ حل قیلیشی خصوصیده سعی و حرکت قیله‌میز.»
اسلام امیرلیگی نینگ قدرت گه ایریشگنی‌دن بویان عیال خبرچیلردن قطاری میدیالرده یره‌تیلگن چیکلاولر سبب، ایش‌دن چیقریلیب یا-ده خبرچی‌لیک ایشی‌دن قول تارتگن‌لری بیرحالده، کابل و بیر قطار ولایت‌لرده‌گی عیال خبرچیلر دولتی نهاد‌لرده خبری ییغین‌لر گه یول تاپه آلمه‌سلیک‌لریدن تنقید قیلگنلر.
