افغانستان سرپرست حکومت عالی محکمهسینینگ تشقی علاقهلر، عامه و ییتکرمهلر ریاستی، بوگون (۲۲-حمل، جمعه)، بیر بیانیه ترقهتیش بیلن اعلام قیلیشیچه، بادغیس ده ایکی «قاتل» گه قصاص حکمی اجرا ایتیلگن. اوشبو حکم بوگون بادغیس مرکزی قلعهی نو شهریده برچه کیشینینگ حضوری بیلن عملگه آشیریلگن.
بیانیهده کیلیشیچه: «بوگون بادغیس مرکزیده، ایکی قاتل گه قصاص حکمی اجرا ایتیلگن. اوشبو قاتللردن بیری، بادغیس ولایتی تگاب عالم تومنینینگ چاه جلال قیشلاغی یشاوچیسی بولمیش بیرینچی قاتل (موسانینگ نبیرهسی، محمدرسول فرزندی سلیمان)، (قوتالله نبیرهسی، محمد فرزندی غلامنبی، محمد نبیرهسی، غلامنبی فرزندی عیدی گله و اللهداد نبیرهسی، شرافالدین فرزندی زرگله) نی کلاشینکف بیلن آتیب اولدیرگن.»
بیزلرنینگ «ایکس» ترماغی ده هم تعقیب قیلینگ!
بیانیهده «حیدر» اسملی ایکینچی «قاتل» دن هم آت توتیلگن. «بادغیس ولایتی درهی بوم تومنینینگ نخچرستان قیشلاغی یشاوچیسی بولمیش ایکینچی قاتل (حاجی ایدل نبیرهسی، مجنون فرزندی حیدر)، (یاسین نبیرهسی، محمدالدین فرزندی محمدشاه) نی کلاشینکف بیلن آتیب اولدیرگن.»
بیانیهده کیلیشیچه: «مذکور موضوعلر کوپ دقیق شکلده تیکشیریلیب و نتیجهده قصاص حکمی، مجرملرگه صادر و تصدیقلنگن. کیین بو حکملر تصدیقلنیش اوچون اسلام امیرلیگی رهبری امیرالمؤمنین شیخالحدیث مولوی هبهالله آخوندزاده حفظهالله حضوریگه تقدیم بولگن.»
بیزلرنینگ فیسبوک صحیفهمیزگه باش اورینگ!
ایتیش کیرهک که، ییتکرمهلردن قطاری اوتگن کون اوز منبعلریدن نقل قیلیب و بادغیس ده مذکور ایکی کیشیگه قصاص حکمی اجرا ایتیلیشیدن خبر بیرگن ایدیلر. اسلام امیرلیگی افغانستان ده قیته قدرت گه ایریشگنیدن کیین، ولایتلردن قطاریده اهالی و سرپرست حکومتنینگ ییریک رسمیلری حضوریده نیچه کیشیگه قصاص حکمینی اجرا ایتگن.
