افغانستان سرپرست حکومت عالی محکمهسی مسئوللری، بوگون (شنبه، ۱۸-حمل) کابل شهری پلچرخی تورمهخانهسیده مطبوعاتی بیر ییغیلیشده ایتیشلریچه، اسلام امیرلیگی ییتکچیسی هبتالله آخوندزاده نینگ بویروغی و عالی محکمه نینگ قراری و هییت بیرمی مناسبتی بیلن ۲۰۰۰ دن آرتیق محبوس قوییب یوباریلهدی.
عالی محکمه سۉزلاوچیسی عبدالولی محمود گه کوره، باشقه زندانیلر نینگ حبس مدتی کمهیتیریلگن. اونینگ ایتیشیچه: «جنایی جرملر، اخلاقی فساد و اوغیرلیک قیلگن کیشیلر قوییب یوباریلهدی و عبد حقی گه متهم تانیلگن کیشیلر، بو تخفیف گه شامل بولمهیدیلر.»
بیزلرنینگ فیسبوک صحیفهمیزگه باش اورینگ!
عالی محکمه مسئوللری نینگ ایتیشلریچه، محبوسلر نینگ قوییب یوباریش بیرینچی باسقیچیده بوگون پلچرخی تورمهخانهسیدن ۴۰ عیال و ۲۸ باله شامل ۴۰۶ کیشی قوییب یوباریلگنلر. بو جریان هییت بیرمیگچه توگهشی ممکن.
عینحالده تورمهخانهلر سرپرستی و ایشلرینی ترتیب گه سالیش اداره معینی عبدالله همدرد نینگ ایتیشیچه، بو محبوسلر اوغیرلش و اخلاقی فساد گه عیبلنگن اېدیلر. اونگه کوره: «گناهلریدن افسوسلنیب و حرکتلری گه اۉزگریش کېلگن کیشیلر بوگون قوییب یوباریلهدی.»
بوندن آلدین، افغانستانده بیرلشگن ملتلر تشکیلاتی نینگ اۉرین باسرلیک نمایندهلیگی (یوناما) اسلام امیرلیگی افغانستان تورمهخانهلریده محبوسلر بیلن ناتوغری یاندهشووینی اېتگن اېدی.
بیزلرنینگ «ایکس» ترماغی ده هم تعقیب قیلینگ!
بیراق محبوسلر نینگ ایشلرینی ترتیب گه سالیش اداره نینگ حربی اۉرین باسری حبیبالله بدر، تورمهخانهلرده محبوسلر قییناقلنیشی و اولر بیلن ناتوغری یاندهشوولرنی رد قیلهدی. اونینگ ایتیشیچه: «تورمهخانهلرده محبوسلر قییناقلنیشی حقیدهگی گزارشلر و سۉزلر ناتوغری دیر و هېچ کیم بونی اثبات قیله آلمهیدی.»
باشقه تاماندن، بوگون پلچرخی تورمهخانهسیدن قوییب یوباریلگن شاهرحمان انس گه کوره، آلتی آی حبس جزاسی بیلن قملگن اېدی ایکّی آی قالگچ قوییب یوباریلگن: «حبس مدتیمدن ایکّی آی قالگندی و حاضر هییت بیرمی عرفهسیده قوییب یوباریلگنیمدن خورسند من.»
بوندن آلدین تورمهخانهلرنی ترتیب گه سالیش اداره، افغانستان بویلب ۱۰۰۰ عیال شامل قریب ۱۶ مینگ زندانی بارلیگینی اېتگن اېدی.