ساغلیق‌نی سقلش وزیرلیگی نینگ ایتیشیچه، اوتگن بیر کیچه و کندوز ده کرونا ویروسی‌گه چلینگنلردن ۱۵ ته‌سی دنیا دن اوتگن.
بوگون “پنجشنبه” ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کندوز ده کرونا ویروسی‌گه شبهه‌لی ۶۴۷ کیشی دن آلینگن نمونه‌لر سیناودن اوتکزیلگن و بو جمله‌دن ۲۳۲ ته‌سی نینگ نتیجه‌سی ایجابی تانیلگن.
ساغلیق‌نی سقلش وزیرلیگی تامانیدن نشر قیلینگن گزارشده ایتیلیشیچه، کرونا ویروسی‌گه چلینگنلردن ۳۸ ته‌سی درمان‌لنیب و ینگی ایجابی واقعه‌لر مملکت ۲۰ ولایتیده قید ایتیلگن.
ایتیلیشیچه، اوتگن ۲۴ ساعت جریانیده کرونا ویروسی‌گه چلینگنلردن ۵ ته‌سی هرات، ۴ ته‌سی کابل و باشقه بیر-بیر کیشی ننگرهار، پکتیا، میدان‌وردک، کاپیسا، زابل و پکتیکا ولایت‌لریده دنیا دن اوتگنلر.
ساغلیق‌نی سقلش وزیرلیگی گه کوره، کرونا ویروسی چیقگنیدن حاضرگه‌قدر مملکت بوییچه ۵۰ مینگ و ۲۰۲ کیشی بو ویروس‌گه چلینگن و بو جمله‌دن ۲ مینگ و ۳۲ ته‌سی جان بیریب و باشقه ۳۸ مینگ و ۶۸۶ ته‌سی درمان‌لنگن دیر.
