بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی (اوچا)، ناروینینگ افغانستان گه ۹۹۰ مینگ دالر یاردم بیرگنینی معلوم قیلگن.
اوشبو نهاد، بوگون (۷-دلو، سهشنبه)، اکس صحیفهسیده یازیشیچه، مذکور یاردم افغانستان ده شاشلینچ بحرانلرگه ییتیشیش بولیمیگه صرفلنهدی.
اوچا، افغانستان انسانسورلیک صندیغیگه ناروینینگ ینگی یاردمیدن قدردانلیک بیلدیرگن.
شونینگدیک بوندن آلدین هم، ناروی ایچکی آوارهلر و افغانستان گه قیتگنلردن حمایت قیلیش اوچون نیچه میلیون دالر یاردم بیرگن.
بوندن آلدین، بیرلشگن ملتلر تشکیلاتیگه تیگیشلی نهادلر، جاری میلادی ییلده افغانستانلیک ۲۱ میلیون ۹۰۰ مینگ کیشینینگ انسانسیورلیک یاردملرگه نیازی بولیشینی ایتگن ایدی.
