نیمروز صرافلری نینگ بیرلشمه ریاست رئیسی رحمتالله مصمم نینگ سلاموطندار گه ایتیشیچه، اوشبو ولایتده صرافلیک مارکیت بیر هفتهدن کیین، بوگون سهشنبه قیته فعالیتی باشلنیب و صرافلر ایش اعتصابلری نی یکونلنتیرگنلر.
اونگه کوره، نیمروز صرافلری محلی مسئوللر و مرکزدن کیلگن هیأت بیلن بیرینچیده کابل، هرات و بلخ کبی بویوک شهرلر نینگ صرافلریدن بانکی ضمانت آلینیشی و اوندن کیین ایسه بانکی ضمانت پولی اولر نینگ تامانیدن توللنیشی خصوصیده کیلیشگنلر.
بیزلرنینگ توییترده هم تعقیب قیلینگ!
نیمروز صرافلر بیرلشمه رئیسی نینگ کوپهیتیریشیچه، اسلامی امارت صرافلر نینگ هر قنده فعالیت جوازیدن ۲۰ لک افغانی بانکی ضمانت ایستهگن. شونینگدیک نیمروز معلومات و مدنیت ریاست مسئوللری اوشبو ولایتده صرافلر مارکیتی نینگ آچیلگنی نی تصدیق قیلگن.
اوتگن هفته، اسلامی امارت تامانیدن صرافلردن قطاری نینگ کلتکلنگنی و اولردن بانکی ضمانت صفتیده کوپینچه پول درخواست قیلینگنی باعث، نیمروز صرافیلری یاپیلیب و صرافلر ایش اعتصابی گه قول اورگن ایدیلر.
بیزلرنینگ فیسبوک صحیفهمیزگه باش اورینگ!
صرافلردن قطاری اوشبو اقداملری نینگ دلیلی نی اسلامی امارت مسئوللری تامانیدن بانکی ضمانت خصوصیده ۲ الی ۵ میلیون افغانی درخواست قیلینگنی نی عنوان قیلگنلر. اولر نینگ تاکید قیلیشلریچه، بو مقدار پول نینگ توللش گه کوچلری ییتیشمهیدی و دولت اوشبو قیینچیلیک نی حل قیلیشی کیرهک.
