کابل ده اسلامی امارت سرپرست حکومتی تامانیدن بویوک ییغین اوتکزیلیشی کوتیله‌دی، بیراق اوشبو ییغین قنده‌ی‌لیگی و تاریخی حقیده حاضرگه قدر معلومات بیریلمه‌گن.
نیچه کون آلدین اجتماعی ترماق‌لرده ترقه‌لگن مکتوب گه بناً، دین عالم‌لری و قوم بویوک‌لری اسلامی امارت اعضالری بولگن تقدیرده، اوشبو ییغینده اشتراک ایتیش‌لری ممکن. مذکور مکتوب اساسیده، اوشبو ییل ۸ سرطان ده، بویوک ییغین اوتکزیلیش تاریخی تعینلنگن.
اوشبو مکتوب گه بناً، ییغین اوتکزیلیشی گه یالغیز بیر کون قالگن، اسلامی امارت سرپرست حکومتی نینگ سوزلاوچی‌لری حاضرگه قدر بو ییغین آجنداسی و غایه‌سی حقیده خبرسیزلیکلرینی ایتگنلر.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی نینگ اورین باسرلریدن بولمیش بلال کریمی سلام‌وطندار بیلن اوتکزگن صحبتیده اوشبو ییغین اوتکزیلیشینی تصدیقلب ایتیشیچه، دین عالم‌لری اسلامی امارت گه بیعت قیله‌دیلر می یوق؛ ییغین یکونیده بیللی بوله‌دی. اونگه کوره: «مین معلومات تاپیش آرتیدن من، بو ییغین دین عالم‌لری نینگ تکلیفی گه بناً اوتکزیلیشیدن خبریم بار و تیزلیک بیلن اوتکزیلیشی ممکن.»
شو بیلن بیرگه سیاسی ایش بیلرمانلر، مملکت وضعیتی اوچون بو گَل ییغین‌لر اوتکزیلیشینی اونم‌سیز دیب و اونی اوز ارا توپلنیش عنوان قیله‌دیلر.
سیاسی ایش بیلرمان طارق فرهادی نینگ ایتشیچه: «افغانستان ده‌گی قیینچیلیکلر و قدرت انحصار گه آلینیشی گه چیک قویه آلمه‌گن ییغین‌لرنی اونمی یوق، اوزلری چقیرگن مهمان‌لر نینگ بیعیتی بیلن، ایچکی و خارجی مشروعیت تاپه آلمه‌یدیلر.»
سیاسی ایش بیلرمان‌لردن باشقه بیری ولی فروزان گه کوره: «بوکبی مینگلرچه جرگه اوتکزیلسه نتیجه بیرمه‌یدی و اونمی یوق، چونکه اشتراک ایته‌دیگنلر حکومت اعضالری دیر.»
ایش بیلرمان‌لردن باشقه بیر قطاری نینگ ایشانچی گه کوره، اوتکزیله دیگن ییغینده قیزلر نینگ مکتب باریشی خصوصیده قرار آلینیشی ممکن.
بیزلرنینگ توییترده هم تعقیب قیلینگ!
اوکراین ده افغانستان نینگ سابق ایلچیسی و سیاسی ایش بیلرمان سردار محمد رحمان نینگ سلام‌وطندار گه ایتیشیچه: «اوشبو ییغینده دین عالم‌لری قیزلر نینگ مکتب گه باریشی خصوصیده قرار آلیش‌لری ممکن، بیراق همه شمول حکومت، اجتماعی عدالت و بشر حقوقی گه دایر بو ییغین‌لرنی اونمی بولمسلیگی ممکن دیه ایشانه‌من.»
برچه‌سی بیلن، مذکور ییغین، میدیالر اینیقسه تصویری رسانه‌لر حضورسیزلیگیده اوتکزیلیشی اوچون خواطرلر اوج آلگن.
