بوگون “یکشنبه” ملی اسلامی جنبش حزبی طرفدارلریدن بیرقطاری فاریاب ولایتی نینگ ینگی حاکمی تعیین‌لنیشیگه قرشی اعتراض بیلدیریب اوشبو ولایت مقامی نینگ کیریش ایشیگی‌نی باغله‌گنلر.
فاریاب‌ده ملی اسلامی جنبش حزبی ییریک اعضالریدن بیری عبدالجلیل آور نینگ ایتیشیچه، اوشبو ولایتده ینگی حاکم تانیتیلیشی‌گه توسیق بوله‌دیلر و اولر ولایت‌لرنینگ حاکم‌لری اهالی تامانیدن تعیین‌لنیشی خصوصیده مارشال دوستم نینگ فکریدن حمایت بیلدیره‌دیلر.
جناب آور گه کوره، فاریاب نینگ جغرافیاسیگه آشنا بولگن بیر کیشی نینگ اوشبو ولایتده حاکم صفتیده تعیین‌لنیشی کیره‌ک.
سلام‌وطندار اوزبیک بولیمی‌نی فیسبوک‌ده تعقیب قیلینگ!
ملی اسلامی جنبش حزبی اعضالریدن باشقه بیری عبدالحکیم تورک اوغلی نینگ ایتیشیچه، حکومت محمد داوود لغمانی‌نی فاریاب ولایتیده حاکم صفتیده تعیین‌لش بیلن اوشبو ولایت‌نی طالبان منفعتی‌گه سقوط بیریش‌نی ایسته‌یدی.
- فاریاب یشاوچی‌لری بو ولایت اوچون ینگی حاکم تعیین ایتیلگنی گه قرشی اعتراض بیلدیریشگن
- اعتراضچی‌لر: ایکی تامانلمه حرکت‌لر اهالی و حکومت آره‌سیده فاصله ایجاد قیله‌دی
- سمنگان اعتراضچی‌لری: شمالی ولایت‌لرینی ناتینچ قیلیش‌گه حکومت‌نی قولی بار
جناب تورک اوغلی نینگ کوپه‌یتیریشیچه، جناب لغمانی‌نی اوشبو ولایت‌گه حاکم صفتیده تعیین‌لنیشی اوچون رخصت بیرمه‌یدیلر و کینگ ناراضلیکلر آرقه‌لی توسیق بوله‌دیلر.
محمد داوود لغمانی نینگ فاریاب ینگی حاکمی صفتیده تانیتیلیشی‌گه قیلینگن بیر چاغده، جنبش حزبی طرفدارلری ناراض‌لیک بیلدیرگنلر.
عین‌حالده، محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، جناب لغمانی نینگ اوچاغی فاریاب هوا قونالغه‌سیدن قیتیب کیتگن.
فاریاب محلی مسوللری بوتوغریده فکر بیلدیرمهگنلر.
