۲۷-حوت، ژورنالیست‌لر ملی کونیگه تېنگ. کابل‌ده افغانستان عیال ژورنالیست‌لر نهادی، خبرچیلر، یېتکرمه فعاللری و یېتکرمه‌لرنی قۉللب-قوتلاوچی نهادلر حضوری بیلن بوکوندن نشانله‌دی.
اوشبو مناسبت بیلن بوگون (۲۷-حوت، دوشنبه) کابل‌ده اوتکزیلگن احتفال‌ده، ژورنالیست‌لردن بیرقطاری اقتصادی قیینچیلیک و معلومات گه قول تاپه آلمسلیک‌نی، ایشلری برابریده‌گی اساسی مانع‌لردن اته‌گنلر.
بیزلرنینگ فیسبوک صحیفه‌میزگه باش اورینگ!
تلویزیون‌لردن بیری‌نینگ خبرچیسی ثنا و ینگی‌لیکده اۉز وظیفه‌سینی قولدن بیرگن هیله مومند، سلام‌وطندار بیلن اوتکزگن صحبت‌لری‌ده اینیقسه عیاللر گه ایش امکانیت‌لری یره‌تیلیشی و یېتکرمه‌لر قۉللب-قوتلنیش گه تأکید اېتگنلر.
باشقه تاماندن یېتکرمه‌لرنی قۉللب-قوتلاوچی نهادلر، یېتکرمه‌لرنینگ اقتصادی قیینچیلیک و معلومات گه قول تاپه آلمسلیک چېکلاولر بیلن روپه‌لیگیدن تشویش بیلدیره‌دیلر.
برچه‌سی بیلن، معلومات و مدنیت وزیرلیگی یېتکرمه‌لر گه اودیو فایل یوللش بیلن ایتیشیچه، سۉنگی کونلرده مملکت‌ده یېتکرمه‌لر احوالی یخشی بولماقده دیر.
بیزلرنینگ «ایکس» ترماغی ده هم تعقیب قیلینگ!
معلومات و مدنیت وزیرلیگی سۉزلاوچیسی خبیب غفران گه کوره: «یېتکرمه‌لرنینگ معلومات گه قول تاپه آلمسلیک قیینچیلیگی حل بولدی و اقتصادی قیینچیلیک‌لری حلی اوچون یېتکرمه‌لرنینگ مالی حمایتی صندیغی اوستیگه ایشلنماقده؛ سۉنگی کونلرده یېتکرمه‌لر احوالی یخشی بولگن.»
معلومات و مدنیت وزیرلیگی، ایچکی یېتکرمه‌لرده فعال ژورنالیست‌لرنینگ سانی حقیده ایضاح کېریتمسه‌ده؛ بیراق اوشبو وزیرلیک یېتکرمه‌لرنی قۉللب-قوتلش اوچون سعی-حرکت قیلماقده‌لیگیدن ایشانچ بیلدیره‌دی.
