ننگرهارده «شرق لبنیاتی/ ختیځ لبنیات» ایشخانه مسئوللری نینگ ایتیش‌لریچه، کونیده ۳۰۰۰ کیلوگرام سوت و تورلی خیل لبنیات ایشلب چیقاره‌دیلر که ننگرهار گه علاوه، مملکت نینگ باشقه منطقه‌لری گه یوباریله‌دی.
مسئوللر گه کوره، اوشبو ایش‌خانه‌ده ۱۵۰۰ چاروادار بیلن سوت قراردادینی قیلگن‌لر که اوشبو سوت بیلن مسکه، پنیر، چلاب، قتیق، چکه و باشقه محصوللرنی ایشلب چیقاره‌دیلر.
بیزلرنینگ فیسبوک صحیفه‌میزگه باش اورینگ!
شرق لبنیات ایشخانه مسئولی خالد‌خان نعمت نینگ سلام‌وطندار گه ایتیشیچه، تولیدی محصوللر نینگ بازاری یخشی‌لنگن، بیراق اولر قورغاقچیلیک باعث، بازار گه ییترلیچه محصول عرضه قیله‌آلمه‌یدیلر. اونینگ کوپه‌یتیریشیچه،کونیده ۵۰۰۰ کیلوگرام سوت گه احتیاجلری بار، بیراق بو مقدار‌دن یالغیز ۳۰۰۰ کیلوگرام سوت قولگه کیلتیره‌دیلر.
جناب نعمت نینگ اورغولشیچه، حکومت چاروادارلر گه سیگیر بیریب و بازار نیازلری اساسیده لبنیات وارد قیلیش گه رخصت بیرگن صورتده، اولر آز مدت ایچیده بازار نیازلرینی حل قیلیش‌لری ممکن.
شونده‌ی بیرحالده، ننگرهار چارواچیلیک، سووغاریش و ایکینچیلیک ریاست مسئوللری نینگ ایتیش‌لریچه، اوشبو ایشخانه نینگ ترقیاتی اوچون، چاروادارلر گه حیوانی ایم و باشقه نیازلری بولگن جهازلر بیریلگن و اولر گه کوپینچه آسایشته‌لیک ایجاد قیلیش اوچون سعی و حرکت قیله‌دیلر. ننگرهار ایکینچیلیک ریاست سوزلاوچیسی اجمل سبحانی نینگ سلام‌وطندار گه ایتیشیچه، ییترلیچه لبنیات ایشلب چیقاریلیشی اوچون اوشبو ایشخانه نینگ قیین‌چیلیگی نی حل قیلیش خصوصیده سعی و حرکت قیلماقده.
باشقه بیرتاماندن، ننگرهار یشاوچیلریدن قطاری نینگ ایتیش‌لریچه، اوشبو ولایت‌ده تولید بولگن لبنیات، وارداتی لبنیات‌دن کوره کوپ یخشی دیر، بیراق خودکفالیک اوچون اساسی ایشلر گه نیاز دیر و حکومت صنعت‌چیلر اختیاری گه کوپینچه امکانیت قرار بیریشی کیره‌ک.
بیزلرنینگ توییترده هم تعقیب قیلینگ!
ایچکی ایش‌خانه‌لر تورلی توارلر ایشلب چیقارسه‌لرده، لیکن اوتگن نیچه ییل‌ده، خلق‌ارا یاردم‌لر بیلن مملکت صنعتی کینگه‌یشی اوچون یخشی ایشلر بجریلمه‌گنیدن شکایت‌لر بار و نتیجه‌ده ایچکریده ایشلب چیقاریلگن توارلر، یخشی بازار گه ایگه ایمس دیر.
شرق لبنیات ایشخانهسی ۷ میلیون دالر سرمایه بیلن ایجاد ایتیلگن و حاضر ایسه ۷۰ کیشی بو ییرده ایش بیلن تأمینلنگن.
