اسلامی امارت سرپرست حکومتی معلومات گه قول تاپیش اوچون شرایط ماسلیگیدن ایشانچ بیرسه‌ده؛ بیراق خبرچیلر معلومات گه قول تاپیش برابری ده‌گی چیکلاولردن شکایت قیله‌دیلر.
ینگی‌لیکده کابل ده دین عالم‌لری نینگ ییغینی بولیب اوتدی؛ بیراق سرپرست حکومت شخصی میدیالر گه اوشبو ییغین‌نی قاپلش گه ایزین بیرمه‌دی.
بونگه علاوه، خبرچیلر نینگ ایتیشلریچه، گزارش‌لرینی تیارلش اوچون حاضرگه قدر ایریم چیکلاولر بیلن روپه‌ره‌لر، اولر گه کوره، حکومت نینگ خبرچیلر برابری ده‌گی مناسبتی، خبرچیلر اوز ایشلرینی سانسور قیلیشی گه سبب بولگن.
بیزلرنینگ فیسبوک صحیفه‌میزگه باش اورینگ!
خبرچیلردن مبین موحد نینگ ایتیشیچه: «سونگی کون‌لرده چیکلاولر کوپه‌یگن و بو وضعیت خواطرلی دیر، اسلامی امارت دن میدیالر و خبرچیلر قانون اساسیده فعالیت قیلیش‌لری اوچون آزاد قوییشنی طلب قیله‌میز.»
خبرچیلردن باشقه بیری مصطفی شهریار گه کوره: «حکومت نینگ ایشلری قیینچیلیک ایجاد قیلیب و خوسانسورلیککه سبب بولگن، خبرچیلردن بیرانته‌سی اوستیگه باسیم کیلتیریلگنی ایشیتیلسه، باشقه‌لری خودسانسورلیککه قول اوره‌دی.
عین‌حالده افغانستان نی قیته قوریش اوچون آمریکا نینگ مخصوص تیکشیریش اداره‌سی یا سیگار، ینگی لیکده افغانستان ده میدیالر وضعیتی گه دایر گزارشی نینگ بیر بولیمینی نشر قیلیب ایتیشیچه، میدیالر و خبرچیلر حاضر هم سرپرست حکومت تامانیدن ایریم چیکلاولر بیلن روپه‌ره دیر.
خبرچیلر و میدیالردن حمایت قیلووچی نهادلر مسئوللری، خبرچیلر برابریده‌گی چیکلاولردن خواطر بیلدیره‌دیلر.
بیزلرنینگ توییترده هم تعقیب قیلینگ!
افغانستان میدیالری دن حمایت قیلووچی نهاد یا نی و افغانستان ژورنالیست‌لر فدراسیونی و میدیالر نهادلری مسئولی ظریف کریمی، سلام‌وطندار بیلن اوتکزگن صحبتیده، اسلامی امارت دن میدیالر برابریده‌گی قیینچیلیکلر حلی اوچون بیللی پالیسی توزه‌تیشنی طلب قیله‌دی.
سیگار نینگ گزارشی ده کیلیشیچه، افغانستان ده خلق‌ارا میدیالردن قطاری یاپیلگن بولسه‌ده، بیراق اسلامی امارت سرپرست حکومتی میدیالر گه قرشی آغیر چیکلاولرنی یره‌تگن و اوشبو چیکلاولر اساسیده، خبرچیلر گه حکومت نینگ خواهش_اراده‌سی گه قرشی گزارش‌لرنی ترقه‌تیش گه اجازه بیریلمه‌یدی.
