اسلام امیرلیگی تشقی ایشلر وزیرلیگی نینگ سرپرستی، افغانستان ده حتا بیر ترورچی گروه یوق دیدی. اسلام امیرلیگی تشقی ایشلر وزیرلیگی نینگ سرپرستی امیرخان متقی، دوشنبه کونی، ۱۸ ثور، پاکستان مرکزی اسلام‌آباد ده استراتیژیک تدقیقات مرکزی ده نطق سوزلب، افغانستان ده حتا بیر ترورچی گروه یوق‌لیگینی ایتگن.
امیرخان متقی نینگ کوپه‌یتیریشیچه: «افغانستان ده نیچه ترورچی گروه بارلیگینی ایتماقده‌لر، بو اوتگن ۲۰ ییل ده بیز گه قرشی آلیب باریلگن تبلیغ دیر. نیچه ترورچی گروه ایمس، حتا بیر ترورچی گروه نی تاپه آلمه‌یدیلر. هیچ حجت‌لری یوق دیر.»
بیزلرنینگ فیسبوک صحیفه‌میزگه باش اورینگ!
مملکت تشقی ایشلر وزیرلیگی نینگ سرپرستی، پاکستان طالبلر تحریکی (تی‌تی‌پی) گه اشاره قیلیب ایتیشیچه، اولر گه افغانستان دن پاکستان گه قرشی عملیات قیلیش‌لری گه رخصت بیریلمه‌یدی، چونکه بو نه بیز نینگ نه پاکستان نینگ منفعتی گه دیر.
پاکستان دولتی، نیچه مراتبه اسلام امیرلیگینی پاکستان طالبلر تحریکی گه باش پناه بیریش گه عیبله‌گن.
بیراق امیرخان متقی نینگ ایتیشیچه، اسلام امیرلیگی هیچ کیمگه افغانستان توپراغیدن باشقه اولکه‌لر گه قرشی فایده‌لنیش گه یول قویمه‌یدی.
بیزلرنینگ توییترده هم تعقیب قیلینگ!
اسلام امیرلیگی تشقی ایشلر وزیرلیگی نینگ سرپرستی امیرخان متقی، حاضرگچه پاکستان تشقی ایشلر وزیری، مذکور مملکت نینگ اردو باش قوماندانی و بیر قطار ییریک رسمی‌لری همده چین تشقی ایشلر وزیری بیلن اوچره‌شگن.
