اسلامی امارت مسئول‌لری بوگون کابل‌ده یولگه قوییلگن بیر مراسمده، ملی و فرهنگی میراث‌لردن حفاظت قیلیش و افغانستان هنرمندلری نینگ هنری اثرلری و قول صناعت‌لری آچیلیش کونیدن نشانله‌دیلر. اوشبو ییغینده اسلامی امارت معلومات و مدنیت وزیرلیگی نینگ نشرات ایشلری بوییچه معینی ذبیح‌الله مجاهد نینگ ایتیشیچه، افغانستان نینگ باستانی اثرلری کیم‌لیک، کلتور و بیر مملکت نینگ مهم بیلگی‌لریدن دیر.
جناب مجاهد، خارجی نهادلردن، تاریخی اثرلرنی سقلش و حفاظت قیلیش بوییچه اسلامی امارت بیلن همکار بولیش‌لرینی طلب قیلدی. اسلامی امارت سوزلاوچیسی نینگ ایتیشیچه، اولر تاریخی اثرلرنی حفاظت قیلیش اوچون وعده بیرگن و کیمسه گه بو اثرلرنی قاچاق قیلیش گه رخصت بیرمه‌یدی.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «افغانستان اسلامی امارت، مملکت نینگ بوتون اثرلری‌دن حفاظت قیلیب و هیچ بیر قدیمی اثر یوق ایتیلمسلیگی خصوصیده وعده بیره‌دی. شونینگدیک کیمسه گه اثرلرنی قازیب یا انتقال بیریب یا ده هم بو توغریده‌گی ناقانونی ایشلر گه رخصت بیریلمه‌یدی.»
عین‌حالده، معلومات و مدنیت وزیرلیگی نینگ فرهنگ معینی عتیق‌الله عزیزی نینگ ایتیشیچه، اسلامی امارت حاکمیت گه ایریشگنیدن بویان، باستانی اثرلر قازیب چیقاریلیشی و قاچاقی آلدی آلینگن. او افغانستان نینگ باستانی اثرلری حفظ و مراقبت بولیشیدن ایشانچ بیلدیره‌دی.
بیزلرنینگ توییترده هم تعقیب قیلینگ!
شونینگدیک اوشبو احتفال‌ده، افغانستان هنرمندلری نینگ هنری و قول صناعت‌لری کورگزمه‌سی، افغانستان ملی موزیم مسئول‌لری تامانیدن آچیلدی. ایتیش کیره‌ک که افغانستانده اسلامی امارت قدرت‌نی قولگه آلیشی بیلن، مملکت بویلب باستانی اثرلر قاچاق ایتیلیشی باعث خواطرلر اوج آلیب و فرهنگی‌لردن قطاری، اوشبو اثرلر چیت ایل مملکت‌لر گه ساتیلیشیدن تشویش‌ده لر.
