افغانستان پایتختی کابل، بوگون مملکت عالم‌لر بویوک ییغینی نینگ یولگه قوییلیشی گه شاهد ایدی که اوشبو ییغین نینگ ایکی کون دوام قیلیشی ممکن.
اسلامی امارت سوزلاوچیسی ذبیح‌الله مجاهد، بوگون عصر چاغی اوشبو ییغیلیش نینگ بیرینچی کونی خصوصیده معلومات ارایه قیلدی. اونینگ ایتیشیچه، اسلامی امارت رهبری افغانستان عالم‌لری نینگ بویوک ییغینی دوامی‌ده شرکت قیلیشی ممکن.
بیزلرنینگ فیسبوک صحیفه‌میزگه باش اورینگ!
مجاهد کوپه‌یتیریشیچه: «امیر‌المومنین نینگ اوشبو ییغیلیش گه شرکت قیلیشی ممکن؛ بیراق حاضرگچه شرکت قیلمه‌گن.»
اسلامی امارت رئیس‌الوزراسی محمدحسن آخوند، ییغین گه شرکت قیلگنلر گه ایتگن که، تورلی مسئله‌لر خصوصیده‌گی موضوع‌لری نی بیان قیله‌آله‌دیلر. بیراق بیرینچی کون‌ده اسلامی امارت حکومتی ایشلاوچیلری نینگ رفتاری خصوصیده قنچه انتقادی نظرلر بار ایکن، بو توغریده سوراق‌لر گه جواب بیریلمه‌گن.
خبری ییغین‌ده ذبیح‌الله مجاهد تاکید قیلگن که، اوشبو ییغین‌ده ارایه بولگن فکرلر حکومت تامانیدن تیکشیریلیشی ممکن. او اوشبو ییغین آجندا‌لری نی شرکت قیلووچلر گه تیگیشلی دیگن.
مجاهد ایتگن که: «اوشبو ییغین‌ده عالم‌لر فکرلری نی ارایه قیله آله‌دیلر و اوشبو مشوره‌لر نینگ تیکشیریلیشی ممکن.» اوشبو ییغین‌ده کمیده ۳۵۰۰ کیشی شرکت قیلگن ایدی و شرکت قیلگنلردن برچه‌سی دین عالم‌لر و قومی متنفذلر ایدی.
بیزلرنینگ توییترده هم تعقیب قیلینگ!
اوشبو ییغین‌ده باشقه قشر نینگ حضوری؛ مدنی جماعه فعال‌لری، سیاست‌چیلر و عیال‌لردن هیچ خبر یوق. اوشبو ییغین‌ده میلیون‌لر افغانی مصرف بولیشی ممکن. ذبیح‌الله مجاهد ایتگن که، اوشبو خره‌جتلردن برچه‌سی اسلامی امارت سرپرست حکومتی تامانیدن توللنیشی ممکن و بو توغریده اسراف بولیشدن توسیق بولینه‌دی.
ایتیش کیره‌ک که، ییغین گه شرکت قیلگنلردن قطاری مملکت‌ده قیزلر تعلیمی خصوصیده هم فکرلری نی ارایه قیلگنلر.