اسلام امیرلیگی سۉزلاوچیسی ذبیحالله مجاهد، ۲۷-میزان، یکشنبه کونی بیر بیانیه ترقهتیب، قطر پایتختی دوحه شهریده اسلام امیرلیگی و پاکستان وکیللری اورتهسیده مذاکرهلر، ایکی تامانلمه کیلیشوو امضالنیش بیلن یکونلنگن و تامانلر تولیق آتیش کېسین برقرار اېتیلیشی، اۉز ارا حرمت و یخشی قۉشنیچیلیک مناسبتلرینی مستحکملشگه تأکیدلهگنلر.
اسلام امیرلیگی سۉزلاوچیسی گه کوره، بو ایکیله مملکت بیر-بیرلریگه نسبتن هېچ قندهی دشمنانه حرکتلرنی عملگه آشیرمسلیکه قرار قیلگنلر.
مجاهدنینگ کوپهیتیریشیچه، اوشبو مذاکرهلرده پاکستان حکومتی گه قرشی فعالیت یوریتهیاتگن گروهلرنینگ هجوملرینی قۉللب-قوتلهمسلیک توغریسیده کیلیشووگه ایریشیلگن. شونینگدیک، هر ایکی تامان بیر-بیرینینگ خوفسیزلیک کوچلریگه تینچ اهالی و انشاآتلر گه هېچ قندهی هجوم اویوشتیرمسلیکه وعده بیرگنلر.
اوشبو کیلیشووده، مذاکرهلرنینگ یگانه یېچیمی صفتیده اهمیتی تأکیدلنگن و هر ایکی مملکت اۉز ارا ایشانچ محیطیده منطقهده تینچلیک و برقرارلیکنی سقلش اوچون همکارلیک قیلیش گه کیلیشگن.
ذبیحالله مجاهد، شونینگدیک ایتیشیچه، قطر و تورکیه واسطهچیلیگیده کیلیشوونینگ بجریلیشینی نظارت قیلیش و ایکی تامانلمه دعوالرنی کوریب چیقیش اوچون عمومی میکانیزم یرهتیلهدی.
اسلام امیرلیگی، اوشبو ایکی مملکتنینگ کیلیشو گه ایریشیش جریانیدهگی سعی-حرکتلری و واسطهچیلیگیگه منتدارلیک بیلدیرگن. مذاکرهلر قطر و تورکیه واسطهچیلیگیده دوحهده اۉتکزیلگن.
پاکستان مدافعه وزیری خواجهمحمد آصف، ایکس صحیفهسیده ایکی تامان آتیش کېسین برقرار ایتیلیشی و بیر-بیرینینگ حدودیگه حرمت کورسهتیشگه کیلیشگنلرینی یازگن.
اونینگ کوپهیتیریشیچه، پاکستان و اسلام امیرلیگی هیئتلری نازک مسئلهلرنی محاکمه قیلیش اوچون ۲۵-اکتوبر کونی تورکیهنینگ استانبول شهریده اوچرهشهدیلر.
