۲۶-ثور، چهارشنبه کونی کابل ده اسلام امیرلیگی و بیرلشگن ملتلر تشکیلاتی نماینده‌لیک‌لری اۉرته‌سیده هماهنگ‌لیک مقصدیده ییغیلیش یولگه قوییلدی. اوشبو ییغیلیش ده اسلام امیرلیگی تشقی ایشلر وزیرلیگی سرپرستی امیرخان متقی، اۉتگن اوروش‌لر، قوروقچیلیک، سوو تاشقین‌لری و باشقه موردلرنی افغانستان ده‌گی اساسی قیینچیلیک‌لردن دیب و اسلام امیرلیگی برچه قیینچلیک‌لرنی باشقره آلمسلیگینی بیلدیرگن.
اسلام امیرلیگی تشقی ایشلر وزیرلیگی سۉزلاوچیسی اۉرین باسری حافظ ضیا احمد تکل گه کوره، اوشبو وزیرلیک سرپرستی امیرخان متقی، افغانستان گه دنیا همجمعیت نینگ یاردم‌لری دوام تاپیشینی سۉره‌ب و بو یاردم‌لر احتیاج‌لر گه قره‌ب اولویت‌بندلیک و توزیع بولیشی گه تاکید اېتگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بیرلشگن ملتلر تشکیلاتی نماینده‌لیگیدن دنیا یاردم‌لری ماهیتی و توزیع بولیشی افغانستان خلقی نینگ احتیاج‌لری گه قره‌ب ترتیب بیریلیشی سۉره‌لگن.»
عین‌حالده، افغانستان ده بیرلشگن ملتلر تشکیلاتی نینگ نماینده‌لیک اداره‌سی (یوناما) مسئوللری، بیرلشگن ملتلر تشکیلاتی انسان پرورلیک یاردم‌لر ماهیتینی ترقیاتی همکارلیک یاردم گه اۉزگرتیریش اوچون سعی-حرکت قیلماقده‌لیگینی بیلدیرگنلر.
بیرلشگن ملتلر تشکیلاتی نماینده‌لیک اداره اۉرین باسری آندرکا راتاواتی گه کوره: «بیرلشگن ملتلر تشکیلاتی یاردم‌لر ماهیتینی ترقیاتی یاردم‌لر اۉزگرتیریش اوچون سعی-حرکت قیلماقده دیر.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان‌لردن بیرقطاری نینگ ایتیشلریچه، ترقیاتی لایحه‌لر اوستیگه سرمایه یاتقیزیلگن حالده، افغانستان ده ایش‌سیزلر سانی کمه‌یب و ایش فرصت‌لری یره‌تیلیشی گه سبب بوله‌دی.
اقتصادی ایش بیلرمان آذرخش حافظی نینگ ایتیشیچه: «ترقیاتی یاردم‌لر مملکت ده ایش‌سیزلر و کمبغل‌لر سانی کمه‌یشی و ایش فرصت‌لری یره‌تیلیشی گه باعث بوله‌دی.»
سۉنگی اوچ ییل ده امریکا قۉشمه ایالتلری ییتکچیلیگیده دنیا همجمعیت افغانستان گه میلیاردلب دالر مالی یاردم کورستگن، بیراق ایش بیلرمان‌لر و اسلام امیرلیگی اقتصاد وزیرلیگی نینگ ایشانچی گه کوره، بو یاردم‌لر ماهیتی انسان پرورلیک بولگنی اوچون افغانستان فقرالری نینگ تېریکچیلیگی اوستیگه اۉزگریش کیلمه‌گن.