میدان‌وردک ولایتی نینگ حصه اول بهسود تومنیده یوز بیرگن قانلی واقعه‌گه قربان بولگنلرنی تیکشیریش ستادی عضوی مرادعلی مراد نینگ ایتیشیچه، اوشبو ستاد واقعه‌نی یقیندن تیکشیرگن.
بوگون “جمعه” جناب مراد نینگ بامیان ولایتیده اوتکزگن خبری ییغینده ایتیشیچه، اولرنینگ اختیارلریگه قرار تاپگن معلومات‌لرگه کوره، میدان‌وردک پولیس قومندانی اعتراضچی‌لرگه قرشی اوق آتیش اوچون بویروغ بیریب و فاجعه‌لی جنایت ایشله‌گن.
جناب مراد نینگ کوپه‌یتیریشیچه: «محل یشاوچی‌لرنینگ پیشنهادی و قربان بولگنلرنی تیکشیریش ستادی و حقیقت‌لرنی تاپیش هیات نینگ کیلشوویگه کوره، میدان‌وردک پولیس قومندانی نینگ بوتون امتیازلری سلب و دوسیهسی باش قاره‌لاوچیلیک‌که تاپشیریلگن.»
قربان بولگنلرنی تیکشیریش ستادی عضوی، حقیقت‌لرنی تاپیش هیاتیدن اوشبو واقعه‌نی جدی و طرف‌سیز شکلده تیکشیریب و نتیجه‌سینی اهالی بیلن شریک قیلیشی‌نی سوره‌گن. مرادعلی مراد نینگ ایتیشیچه، مملکت امنیتی کوچلریدن اهالی‌گه قرشی فایده‌لنمه‌یش کیره‌ک.
بیر هفته آلدین میدان‌وردک ولایتی نینگ حصه اول بهسود تومنی یشاوچی‌لری و قوم بویوک‌لریدن یوزلرچه‌سی بیر اعتراضی ییغین آرقه‌لی، اوشبو ولایت پولیس قومندانی الله‌داد فدایی دن بهسود تومنی‌نی ترک قیلیشی‌نی سوره‌گن، بیراق امنیتی کوچلر تامانیدن اعتراضچی‌لرگه قرشی اوق آتیلگن.
مذکور واقعه‌ده اعتراضچی‌لردن کمیده ۱۸ ته‌سی هلاک و باشقه ۳۰ ته‌سی یره‌لنگن دیر.
لیکن، بیرقطار منبع‌لر بو واقعه ده هلاک ایتیلگن‌لرنینگ سانی ۱۱ کیشی و یره‌لنگنلرنی ۲۵ کیشی اعلان قیلگنلر.