کابل‌ده صراف‌لردن قطاری آمریکا جمهوررئیسی جوبایدن نینگ ۱۱سپتامبر هجوملریده قربان بولگنلر نینگ اقارب‌لریگه تاوان صفتیده افغانستان مرکزی بانکی نینگ سرمایه‌لریدن بیر قسمی مصادره قیلینیش بویروغیدن خواطر بیلدیریب ایتیش‌لریچه، بو فرمان ملی پول ارزشی نینگ قویی کیلیشی گه سبب بوله‌دی.
صرافلر عمومی اتفاقی سوزلاوچیسی عبدالرحمن زیرک نینگ اورغولشیچه، مذکور قرار عملگه آشیریلگن تقدیرده، افغانی پول قدر سیز بولیب و خصوصی بانک‌لر تنزل گه یوز توتیشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اقتصادی ایش بیلرمان‌لر نینگ ایشانچی گه کوره، آمریکا جمهوررئیسی نینگ اوشبو بویروغی افغانی پول چاپ‌دن چیقیشی اوستیگه سلبی تاثیر قیلیب و تشقی مملکتلر افغانستان ملی پول ذخیره‌لری‌نی قوللب قوتلش اوچون علاقه کورستمسلیک‌لری ممکن.
اقتصادی ایش بیلرمان‌لردن سیف‌الدین سیحون نینگ ایتیشیچه، افغانستان بازارلریده دالر وارد ایتیلمه گن حالده، ملی پول قدر سیز بولیشی ممکن. اونگه کوره، پولی حمایت‌لردن بیری، پول بارلیگی دیر که پول ارزشی‌نی برابر سقله‌یدی.
عین‌حالده آمریکا جمهور باشلیغی نیچه کون آلدین افغانسان مرکزی بانکی ذخیره‌لریدن ۷ میلیارد دالری اوشبو مملکت‌ده سقلنر ایدی، اسلامی امارت حاکمیت‌گه ایریشیدن کین توسیلدی، ۳.۵ میلیاردی ۱۱سپتامبر قربانی‌لری نینگ عایله‌لری گه تاوان اوله‌راق توللش اوچون اجره‌تیلگن.
آمریکا جمهور باشلیغی نینگ اوشبو قراری، ملی و خلق‌ارا عکس‌العمل‌لر گه روپه‌رو بولگن.
بیزلرنینگ توییترده هم تعقیب قیلینگ!
بیراق آق سرای نینگ ینگی بیاناتی اساسیده، آمریکا قوشمه ایالت‌لر محکمه‌سی حکم قیلمسدن افغانستان مرکزی بانکی نینگ هیچ سرمایه‌سی ۱۱سپتامبر قربانی‌لری نینگ عایله‌لری گه توللنمه‌یدی.
آق سرای سوزلاوچیسی، اوتگن کونی مطبوعاتی ییغینده خبرچی‌لر نینگ سوال‌لری گه جواب ایتیشیچه، آمریکا قوشمه ایالت‌لری جمهور باشلیغی جوبایدن نینگ افغانستان مرکزی بانکی دارایی‌لری خصوصیده‌گی فرمانی «جریان نینگ بیر باسقیچی دیر» و بو توغریده محکمه حکم بیرمه‌گونچه، هیچ قنده‌ی پول انتقال بیریلمه‌یدی.
