اسلام امیرلیگی سوزلاوچیسی ذبیح‌الله مجاهد، افغانستان توپراغی‌ده پاکستان طالبلر تحریکی (تی‌تی‌پی) اعضالری نینگ حضوری بارلیگی اساسیده‌گی پاکستان ادعاسی نی رد قیلدی. جناب مجاهد نینگ ایتیشیچه، اسلام امیرلیگی افغانستان ده حضوری بولیب و اوشبو مملکت توپراغی‌دن باشقه مملکتلر گه قرشی قوللنیش اوچون تشقی گروه‌لر و کیشیلر گه رخصت بیرمه‌یدی.
اسلام امیرلیگی سوزلاوچیسی نینگ کوپه‌یتیریشیچه، تی‌تی‌پی پاکستان ده بولگن ینگی بیر موضوع ایمس؛ بلکیم ۲۰ ییل‌دن بویان پاکستان نینگ وزیرستان و باشقه ساحه‌لریده حضوری بار.
بیزلرنینگ «ایکس» ترماغی ده هم تعقیب قیلینگ!
اونینگ اورغولشیچه: «تی‌تی‌پی موضوعی‌سی پاکستان نینگ ایچکی موضوع‌لریدن دیر و پاکستان‌لیک طالبلر ینگی موضوع‌لردن ایمس، اولر ۲۰ ییل‌دن بیری وزیرستان و تورلی ساحه‌لرده فعال ایدی و مذکور مملکت نینگ ایچکی موضوع‌سی دیر. افغانستان نیچه مرته اورغوله‌گن که افغانستان توپراغی‌دن هیچ بیر مملکت گه قرشی قوللنیلمه‌یدی و پاکستان گه قرشی افغانستان توپراغی‌دن قوللنیش اوچون هیچ کیم گه رخصت بیرمه‌یمیز.»
شونده‌ی بیرحالده، اوتگن کونی امریکا نینگ اوروش کالجی‌ده بیرلشگن ملتلر تشکیلاتی‌ده پاکستان نینگ دایمی نماینده‌سی اورین‌باسری عثمان جادون، افغانستان نینگ «ترورچیلیک مرکزی» گه اوزگرماقده دیگن. اونینگ ایتیشیچه، افغانستان ده پاکستان طالبلر تحریکی نینگ حضوری بولیب و مذکور مملکت‌دن دواملی شکلده پاکستان گه هجوم قیله‌دی.
عین حالده، حربی ایش بیرمانلریدن قطاری نینگ ایتیشلریچه، پاکستان اوتگن اوچ ییل‌ده نیچه مرته بیر قطار ادعالر نی بیان قیلگن که اسلام امیرلیگی تاماندن رد بولگن. اولر نینگ اورغولشلریچه، مذکور خواطرلر نینگ حل بولیشی اوچون منطقه بویلیب «استخباراتی معلوماتی هماهنگ‌لیک بیر مرکز» نینگ ایجاد بولیشی کیره‌ک.
بو توغریده حربی ایش بیلرمان محمدصادق شینواری نینگ ایتیشیچه: «بو خواطرلر نینگ حل بولیشی اوچون منطقه‌یی هماهنگ‌لیک و شونینگدیک بو توغریده خواطری بولگن مملکتلر یا-ده منطقه بویلب استخباراتی معلوماتی هماهنگ‌لیک بیر مرکز نینگ ایجاد بولیشی کیره‌ک.»
شونده‌ی بیرحالده، خلق‌ارا رابطه‌لر بیلرمانلریدن قطاری نینگ ایتیشلریچه، پاکستان اسلام امیرلیگی گه باسیم کیلتیریش اوچون دایم بو ادعالر نی بیان قیلگن.
بیزلرنینگ فیسبوک صحیفه‌میزگه باش اورینگ!
خلق‌ارا رابطه‌لر بیلرمانی سیال وردک نینگ ایتیشیچه، پاکستان خلق‌ارا یاردم‌لرنی قولگه کیلتیریش مقصد، دنیا گه اوزینی ترورچیلیک قربانی‌سی بولگنی نی کورستماقچین. «پاکستان نینگ نیچه هدفی بار. بیرینچی‌ده افغانستان گه باسیم کیلتیرماقچین. ایکینچی‌ده ایسه پاکستان دنیادن مالی و حربی امکانیتلر نی قولگه کیلتیرماقچین. اوچینچی مسئله ایسه اولر دنیا گه ترورچیلیک قربانی‌سی بولگنی نی کورستیب و اولر نینگ حمایتی نی قولگه کیلتیرماقچین.»
ایتیش کیره‌ک که، اسلام امیرلیگی نینگ قدرت گه ایریشگنی‌دن کیین پاکستان نینگ حربی و سیاسی رسمی‌لری نیچه مرته افغانستان توپراغی‌ده پاکستان طالبلر تحریکی بارلیگی و افغانستان توپراغی‌دن مملکتی گه قرشی قوللنیلیشی نی ادعا قیلگن. بیراق اسلام امیرلیگی دایم افغانستان توپراغی‌دن باشقه مملکتلر جمله‌دن پاکستان گه قرشی هیچ بیر تهدید یوقلیگی خصوصیده ایشانچ بیرگن.
