امر معروف و نهی منکر وزیرلیگی نینگ مسئول‌لری، دولت اداره‌لری نینگ برچه ملازملریدن ساقال قوییش و کله‌پوش کییش‌لری اوچون، بیر آی آلدین مذکور اداره‌لر گه مکتوب یوللـه‌گنینی تصدیقله‌دیلر.
امر معروف و نهی منکر وزیرلیگی نینگ سوزلاوچیسی محمد صادق عاکف نینگ سلام‌وطندار گه ایتیشیچه، گرچند اوشبو وزیرلیک دولت برچه اداره‌لری نینگ ملازملریدن اسلام قانون-قاعده‌لری اساسیده ایش گه کیلیش اوچون بیر آی وقت بیرگن ایدی؛ لیکن اولر اسلامی امارت نینگ خواستی برابری‌ده بی فرق بولگن‌لر.
بیزلرنینگ فیسبوک صحیفه‌میزگه باش اورینگ!
امر معروف و نهی منکر وزیرلیگی نینگ سوزلاوچیسی گه کوره، اوتگن کونی مذکور وزیرلیک نینگ ایشلاوچیلری، دولت اداره‌لر ی نینگ ملازملریدن، بوندن بویان ساقال قوییب و کله‌پوش کییش‌لرینی مصلحت بیرگن‌لر.
عین‌حالده دولت اداره‌لریدن قطاری نینگ ایتیشلریچه، امر معروف و نهی منکر وزیرلیگی نینگ ایشلاوچیلری، ساقالی و کله‌پوشی بولمه‌گن‌لرنی، اداره گه کیریش گه رخصت بیرمه‌گن.
باشقه تاماندن، رمضان مبارک آیی جریانیده تعلیمی مرکزلرده قیزلر نینگ رخصت ایتیلیشی گه عاید اجتماعی ترماق‌لرده ترقه‌لگن شایعه‌لرنی اسلامی امارت رد ایتگن. امر معروف و نهی منکر وزیرلیگی نینگ سوزلاوچیسی، اوشبو شایعه‌لرنی رد قیله‌دی و عالی تحصیلات وزیرلیگی سلام‌وطندار گه جواب قیتیرمه‌دی. اسلامی امارت امر معروف و نهی منکر وزیرلیگی نینگ سوزلاوچیسی سلام‌وطندار نینگ سوالی گه جواب ایتیشیچه: «یوق، بو توغریده امر معروف وزیرلیگی تامانیدن هیچ قنقه مکتوب یوباریلمه‌گن و بو مطلقا یالغان دیر.»
بیزلرنینگ توییترده هم تعقیب قیلینگ!
اوشبو سوزلر عین‌حالده بیان بولماقده که، مملکت بویلب اسلامی امارت حاکمیتیدن کیین، اولر اولکه یشاوچیلری اوستیگه ینگی قانون-قاعده‌لرنی یره‌تگنلر.
