اسلامی امارت ساغلیق‌نی سقلش وزیرلیگی مسئول‌لری نینگ ایتیشلریچه، اوتمیش‌لر گه نسبتن کرونا ویروس «اومیکرون» مثبت واقعه‌لری کمه‌یگن.
مملکت ساغلیق‌نی سقلش وزیرلیگی سوزلاوچیسی جاوید هژیر نینگ سلام‌وطندار گه ایتیشیچه، اوشبو ییل جنوری آیی‌ده ۴۷۵۶ مثبت واقعه و فبروری آیی‌ده ۱۰۸۶۰واقعه رویخط گه آلینگن؛ لیکن اوشبو ییل نینگ مارچ آیی‌ده مملکت بویلب کرونا ویروس مثبت واقعه‌لری ۲۴۰۰گه کمه‌یگن.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی نینگ سوزلاوچیسی، مملکت بویلب کرونا ویروس مثبت واقعه‌لری کمه‌یش سببینی ایملش و بدن معافیتینی یوقاری ایتلیش عنوان قیله‌دی. اونگه کوره، مملکت بویلب کونیده ۹ مینگ کیشی کرونا ویروس گه قرشی ایملنه‌دیلر
برچه‌سی بیلن ساغلیق‌نی سقلش وزیرلیگی سوزلاوچیسی نینگ کوپه‌یتیریشیچه، کرونا ویروس مثبت واقعه‌لرینی انیقلش کیت‌لر یوق‌لیگی و قیینچیلیکلر موجود بولسه‌ده، لیکن او کرونا ویروس ینگی ترقه‌لگن واقعه‌لرینی انیقلش گه قادر بیر اوسکونه‌‌دن یاد ایته‌دی. جناب هژیر گه کوره، خلق‌ارا ساغلیق‌نی سقلش تشکیلاتی «WHO» تامانیدن بیریلگن اوشبو اوسکونه تیزلیک بیلن فعال بوله‌دی.
بیزلرنینگ توییترده هم تعقیب قیلینگ!
ساغلیق‌نی سقلش وزیرلیگی نینگ ایتیشیچه، حاضر ایسه افغانستانده ۸.۵ میلیون کیشی ایملنگن و واکسین جریانی کینگ کولمده ۳۷۷ مرکزده دوام ایتماقده که کونیده ۸ مینگ‌دن ۹ مینگ کیشی ایملنه‌دی. ایتیش کیره‌ک که خارجی مالیه‌وی منبع‌لر یوق‌لیگی مذکور وزیرلیک نینگ اساسی قیینچیلیکلریدن دییلگن.
