افغانستان مرکزی بانکی نینگ معلوماتی گه بناً، اسلام امیرلیگی حاکمیت گه ایریشگچ، افغانستان گه انسان پرورلیک یاردم اوله‌راق بیر میلیارد ۷۹۳ میلیون دالر یاردم بیریلگن، بیراق اوشبو یاردم‌لر بیلن مملکتده‌گی اقتصادی قیینچیلیک حل بولمه‌گن.
میلادی جاری ییل ده، اقتصادی قیینچیلیک، ایش‌سیزلیک و آچ‌لیک، افغانستان‌لیکلر نینگ اساسی قیینچیلیکلریدن سنله‌دی.
ینگی‌لیکده، بیرلشگن ملت‌لر تشکیلاتی نینگ باله‌لردن حمایت قیلووچی صندیغی، افغانستان نینگ ۶.۶ میلیون یشاوچیسی اقتصادی قیینچیلیک بیلن دوچ دیر که دنیا بویلب، اینگ آچ یشاوچیسی بولگن مملکت‌لر رویخطی ده قرار تاپگن.
بیزلرنینگ فیسبوک صحیفه‌میزگه باش اورینگ!
اوشبو صندیغ گه کوره، افغانستان ده باله‌لر نینگ توییب آوقات‌لنمسلیگی ینگی‌لیک ایمس، بیراق جاری میلادی ییل نینگ معلومات‌لری گه بناً، قطار عایله‌لر اقتصادی قیینچیلیک باعث اوز فرزندلرینی ساتیشگه مجبور بولگن.
شونینگدیک افغان قیزیل آی جمعیتی، جاری میلادی ییل ده قشاق‌لر و ایش‌سیز کیشی‌لر سانی کوپه‌یشیدن خواطر بیلدیریب، بو جریان ۲۰۲۳_ییل ده دوام تاپیشیدن آگاه‌لنتیرگن.
افغان قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه: « ۲۰۲۳_ییل ۲۰۲۲_ییل کبی بولیب و اولکه ده‌گی وضعیت دوامیدن خواطرده میز.»
اقتصاد وزیرلیگی، افغانستان نینگ سرمایه‌لری امریکا بانک‌لریده توسیلیشی، سرمایه یاتقیزیش بولیمیده‌گی چیکلاولر، انسان پرورلیک یاردم‌لر توخته‌تیلیشی و قورغاقچیلیکنی، افغانستان بویلب قشاق‌لر سانی کوپه‌یش عامللریدن عنوان قیله‌دی.
اقتصاد وزیرلیگی سوزلاوچیسی عبدالرحمان حبیب گه کوره: «افغانستان پول‌لری توسیلیشی، ایچکی و خارجی سرمایه یاتقیزیش فعالیت‌لر گه یره‌تیلگن چیکلاولر، یریم ایشی قالگن پروژه‌لر ایشی توخته‌شی، ۲۰۲۲_ییل ده ایش‌سیز کیشی‌لر و قشاق‌لر سانی کوپه‌یش عامللریدن دیر.»
بیزلرنینگ توییترده هم تعقیب قیلینگ!
باشقه تاماندن، جاری میلادی ییل ده اقتصادی قیینچیلیک، افغانستان نینگ پول نرخی اوستیگه تأثیر قیلگن.
شهزاده سرای مسئوللری نینگ ایتیشلریچه، اوشبو ییل ده امریکالیک بیر دالر حتا ۱۲۰ افغانی گچه المشتیریلگن.
کابل شهزاده سرای سوزلاوچیسی عبدالرحمان زیرک نینگ ایتیشیچه: «۲۰۲۲_ییل ده مملکت نینگ اقتصادی وضعیتی یامان ایدی و افغانی پول نرخی ثابت ایمس ایدی و حتا بیر امریکالیک دالر ۱۲۰ افغانی گچه ساتیلدی.»
اقتصادی ایش بیلرمان‌لردن بیرقطاری گه کوره، اقتصادی قیینچیلیک حلی اوچون، اسلام امیرلیگی خلق‌ارا قانون_قاعده‌لرنی رعایت قیلیشی کیره‌ک.
اقتصادی ایش بیلرمان تاج‌محمد تلاش نینگ کوپه‌یتیریشیچه: «اسلام امیرلیگی خلق‌ارا قاعده‌لرنی رعایت قیلیب و ینگی اقتصادی ریجه توزیشی کیره‌ک.»
ایتیش کیره‌ک که، خارجی نهادلر نینگ معلومات‌لری اساسیده، جاری میلادی ییل ده، افغانستان نینگ بیر میلیون دن آرتیق یشاوچیسی بیکار بولگن، اوشبو بیکارلیک اولکه ده قشاق‌لر سانینی آرتیرگن.
