بیرلشگن ملت‌لر تشکیلاتی نینگ انسان حقلری عالی کمیشنری میشل باشله نینگ ایتیشیچه، تینچ‌لیک، انسان‌دوستلیک، رواجلنیش و فعال عوامل پروسه‌لری نینگ اوزگریشی و اوشبو مملکت نینگ تینچ‌لیککه قول تاپیشی اوچون افغانستان عیاللری گه رهبرلیک فرصت‌لری بیریلیشی کیره‌ک.
افغانستانده بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده یوناما، بیرلشگن ملت‌لر تشکیلاتی نینگ انسان حقوقی عالی کمیشنری نینگ بیانیه‌سی ترقه‌تیلیشی بیلن ایتیشیچه، او مذکور بیانات نی کابل گه قیلگن سفری و عیال‌لر نینگ بیردم‌لیک کونی نینگ قوتلش هفته‌سی جریانیده بیان قیلگن.
بیانیه‌ده کیلیشیچه، افغانستان عیال‌لریدن قطاری خلق‌ارا جماعه‌سیده و رسانه‌لرده قربانی بولگن صفتیده تانیتیله‌دی. بیانیه‌دن نقل قیلینیشیچه، افغانستان عیاللری حقیقت‌ده اوروش، قشاق‌لیک، زوروانلیک شرایطی گه دوچ کیلیش بیلن چرچیمه‌ی عایله‌لری و جماعه‌لری نی تأمین و سقلش اوچون سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
میشل باشله نینگ کوپه‌یتیریشیچه: «اولر اعتراض قیلیش بیلن تهدید بولگنلر و هجوم آستیده قرار تاپگنلر. قدرت و قرار آلیش‌دن اوزاق‌لشگنلر، بیراق بو موضوع اولر نینگ حقلری و حمایتی شبکه‌لری نینگ ایجاد قیلیش اوچون دادخواه‌لیکلری گه توسیق بوله‌آلمه‌گن. اولر تاثیر آستیده قالگن تماشاگرلردن ایمس‌لر.»
بیرلشگن ملت‌لر تشکیلاتی انسان حقلری کمیشنری نینگ اورغولشیچه، افغانستان قیزلری مکتب و بیلیم یورت گه کیتیب و مملکت‌لری نینگ کیله‌جگی‌ده سهم آلیشلری کیره‌ک. اونگه کوره، عیال‌لر پولیس کوچلریده، حقوقی محکمه‌ده، دولتی نهاد‌لرده و خصوصی سکتور‌لرده و مدنی و اجتماعی حیات‌لری نینگ هر بولیمیده حضور تاپیش‌لری کیره‌ک.
بیزلرنینگ توییترده هم تعقیب قیلینگ!
شونینگدیک اونینگ ایتیشیچه، افغانستان عیاللری انتقام، اعتراض بیلدیریش، جماعه نینگ قیین‌چیلیگی حقیده صحبت قیلیش و اولر ایسته‌کلری نی حل قیلیش اوچون آزاد شکلده حقلری بار.
میشل باشله نینگ اورغولشیچه، عمومی و خصوصی ییرلرده عیال‌لر و قیز گه قرشی زوروانلیک، تحمل بوله‌دیگن بیر نرسه ایمس؛ بلکیم شونینگدیک عامل‌لری محکوم و عدالت گه تارتیلیشی کیره‌ک. اونینگ کوپه‌یتیریشیچه، پایدار تینچ‌لیک، اقتصادی رواجلنیش، ساغلیک مراقبت‌لر، تعلیم، عدالت، عیال‌لر و قیزلر نینگ سهیم بولیشلری نی طلب قیله‌دی.
شونده‌ی بیرحالده، افغانستانده اسلامی امارت نینگ قدرت گه ایریشگنیدن کیین، عیال‌لر نینگ حضوری و فعالیت‌لری خصوصیده تورلی بولیم‌لرده چیکلاو یره‌تیلگن. اسلامی امارت حکومتی نینگ هیچ بیر بولیمیده عیال‌لر گه سهم بیریلمه‌گن و حتی دولتی نهاد‌لر و تعلیم‌لری نینگ دوام بیریشدن محروم قالگنلر.