اسلام امیرلیگی تشقی ایشلر وزیرلیگی سوزلاوچیسی اورینباسری ضیااحمد تکل، بوگون (۱۸-میزان، جمعه)، اکس صحیفهسیده یازیشیچه، تشقی ایشلر وزیری امیرخان متقی و هندوستان تشقی ایشلر وزیری سی جی شنکر آرهسیدهگی اوچرهشوو، مذکور مملکت پایتختی ینگی دهلیده باشلنگن.
گزارشلر اساسیده، هندوستان تشقی ایشلر وزیری بو اوچرهشووده، کابل ده هندوستان نمانیدهلیگینینگ ایلچیخانهگه اَیلنتیریلیشینی معلوم قیلگن.
هندوستان تشقی ایشلر وزیرینینگ ایتیشیچه، مملکتی افغانستان حاکمیتی، مستقللیگی و حدودیگه حرمت قیلیشگه متعهد دیر.
اسلام امیرلیگی تشقی ایشلر وزیرلیگی، ۱۶-میزان، چهارشنبه کیچه، هندوستان تشقی ایشلر وزیرینینگ رسمی دعوتیگه بنا، امیرخان متقینینگ ینگی دهلیگه سفر قیلگنینی معلوم قیلگن.
مذکور وزیرلیککه کوره، بو سفرده امیرخان متقی هندوستان تشقی ایشلر وزیری و بو مملکتنینگ باشقه رسمیلری بیلن سیاسی، اقتصادی، سوداگرلیک و افغانستان بیلن منطقه مناسبتلری کوچهیشی حقیده صحبت قیلیشلری ممکن.
