قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، بیر کونده ایران و پاکستان دن ۴ مینگ ۸۳۴ افغانستانلیک چیقریلگن.
اسلام امیرلیگی سوزلاوچیسی اورینباسری حمدالله فطرت، بوگون (۱۰-قوس، دوشنبه)، اکس صحیفهسیده بیر بیانیه آرقهلی، مذکور قاچقینلرنینگ اوتگن کونی افغانستان گه کیلگنلرینی یازگن.
بیانیه اساسیده، بیر مینگ ۵۳ عایلهدن عبارت بولگن اوشبو کیشیلر، قندهار ده اسپینبولدک، ننگرهار ده تورخم، هلمند ده بهرامچه، هرات ده اسلامقلعه و نیمروز ده پلابریشم قتناو یوللری آرقهلی افغانستان گه کیلگن.
قاچقینلر قیینچیلیکلرینی حل قیلیش بوییچه عالی کمیسیونینینگ کوپهیتیریشیچه، ایران و پاکستان دن چیقریلگن قاچقینلردن قطاریگه نقدی یاردم، آزیق-آوقت و طبی خذمتلر کورسهتیلگن.
ایران و پاکستان، ییللردن بویان کوپینچه افغانستانلیک قاچقینلر میزبانی دیر. اوشبو ایکی مملکت، سونگی ییللرده قاچقینلرنینگ چیقریش جریانینی کوچهیتیرگن و کونده مینگلب کیشی افغانستان گه قیتریلهدی.
بیرلشگن ملتلر تشکیلاتینینگ قاچقینلر ایشلری بوییچه عالی کمیساری معلوماتی اساسیده، جاری میلادی ییلده ایران و پاکستان دن ایکی میلیون ۵۰۰ مینگ افغانستانلیک مملکت گه قیتریلگن.
