فاریاب مرکزی میمنه شهری‌ده، ریکشا هیداوچی‌لر و قول اوستیده سودا ساتوچی‌لردن قطاری اوشبو ولایت‌ده نرخ و نوا آشگنی دن خواتیر بیلدیریب اسلامی امارت محلی مسئول‌لری دن تیزلیکده بو قیینچیلیکلر حل ایتیلیشی نی سوره‌گنلر.
میمنه شهری نینگ ساتوچی‌لردن بیری گل‌محمد نینگ ایتیشیچه، جاری وضعیت و نرخ و نوا آشگنی نی کوریب اوزیگه اولیم ایسته‌یدی. او ایش یوقلیگی و یمان فقیرلیک دن شکایت قیلیب ایتیشیچه، اهالی نینگ وضعیتی خواتیرلنتیروچی دیر و ییماق اوچون ییگولیکلر نرسه‌لری یوق.
ریشکا هیداوچی‌لردن بیری سیف‌الله نینگ ایتیشیچه، ایرته‌لب آخشم‌گچه ایش‌له یدی بیراق، نان نینگ پولی نی هم تاپه آلمه‌یدی. اونینگ ایتیشیچه، اسلامی امارت بو وضعیت بیلن حکومت قیله‌آلمه‌یدی و موجود قیینچیلیکلر نی حل قیلیشی کیره‌ک.
اوتمیش‌ده کیکسه ایرکک قدرت‌الله غلتک هیده‌ش بیلن ایش قلیب حیاتی نی کیچرر ایدی؛ لیکن حاضر ایسه او بیر لقمه نان گه محتاج قالگن. مذکور کیکسه ایرکک نینگ ایتیشیچه، ییگولیک ماده‌لر نینگ بهاسی آشگنی سبب، عایله‌سی نینگ خره‌جتی نی تاپه‌آلمه‌یدی. اونینگ کوپه‌یتیریشیچه، اولر گه یاردم یتیشمه‌گن صورت‌ده او و عایله‌سی نینگ تلف بولیشی ممکن.
بیزلرنینگ فیسبوک صحیفه‌میزگه باش اورینگ!
عین حالده، شونینگدیک میمنه شهری نینگ ایشلاوچی‌لریدن بیری محمد ابراهیم نینگ ایتیشیچه، اولر نینگ یالغیز امیدی حاضرگی حکومت بوگن، لیکن حکومت هم جواب بیرمه‌گن؛ چونکه اسلامی امارت رسمی‌لری حکومت‌دن یاردم ایسته‌منگ، خدا دن یاردم ایسته‌نگ، دیگن.
بو تشویش‌لر شونده‌ی بیرحالده بیلدیریله دی که، کون‌ساین افغانی پول، دالر مقابلی ده بهاسی نی قویی کیتیب بارماقده، و دالر بهاسی نینگ کوپه‌یشی سبب دستلبکی ماده‌لر نینگ بهاسی هم نظیری کوریلمه‌گن درجه‌ده کوپه‌یگن.
باشقه تاماندن، فاریاب‌ده طبیعی حادثه‌لرگه قرشی کوره‌شیش ریاست رئیسی اسد‌الله وقاص نینگ ایتیشیچه، کوچی یتیش‌گونگه قدر نیازمند عایله‌لر گه یاردم بیریشی ممکن. جناب وقاص گه کوره، کیله‌جک‌ده یاردم بیروچی نهادلر نینگ همکارلیگی بیلن نیازمند عایله‌لر گه کمکی برنامه‌لری نی قول اوستیگه آلیش‌لری ممکن.
