سوو و برق وزیرلیگی مسئوللری بوگون (پنج‌شنبه، ۲۸-سرطان)، کابل ده یولگه قوییلگن خبری بیر ییغین‌ده، «عوفی بهرام» اسملی ایچکی بیر شرکت بیلن سکیز مگاوات‌لیک اوچ سولری برق لایحه‌سی نینگ تطبیق قیلیش شرطنامه‌سی نی امضا قیلگنلر.
سوو و برق وزیرلیگی سرپرستی عبداللطیف منصور نینگ ایتیشیچه، اوشبو سولری برق ایشلب چیقریش لایحه‌‌لری، ۲۵ میلیون دالر ارزشی بیلن اوچ ولایت‌ده تطبیق بوله‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «فراه، ارزگان و پکتیکا ولایت‌لریده برق ییتکزیش ترماغی هم فعال بوله‌دی و ۲۵ میلیون دالر ارزشی گه برق هم تامین بوله‌دی. ارزگان ولایتی‌ده‌گی یشاوچیلر حاضرگچه برق‌دن فایده‌لنه آلمه‌یدیلر.»
شونده‌ی بیرحالده، عوفی بهرام شرکتی مسئوللری نینگ ایتیشلریچه، اوشبو لایحه‌لر نینگ تطبیق بولیشی بیلن، پکتیکا، ارزگان و فراه ولایت‌لریده مینگ‌لرچه عایله نیازی بولگن برق نینگ تامین‌لنیشی ممکن.
عوفی بهرام شرکتی اورین‌باسری نورالله نینگ ایتیشیچه: «اوشبو لایحه نینگ تطبیق بولیشی توپلم شکلده ۸ مگاوات سولری برق یعنی پکتیکا ده ۲ مگاوات، ارزگان ده ۳ مگاوات و فراه ده ۳ مگاوات تولید بوله‌دی که مینگ‌لرچه عایله نینگ اوندن فایده‌لنیشی ممکن.»
عین حالده، پکتیکا، ارزگان و فراه ولایت‌لریده‌گی یشاوچیلردن قطاری برق پرچاوی‌سیدن شکایت قیلیب و سرپرست حکومت‌دن نیازلری بولگن برق نینگ تامین‌لنیشی نی ایسته‌گنلر.
فراه ولایتی یشاوچیسی محمد نینگ ایتیشیچه، بیر کیچه و کوندوز ده یالغیز ۴ ساعت برق‌لری بار. «کوپینچه پیت برقی‌میز یوق و برق کیچه ساعت ۷دن ۱۱ گچه کیله‌دی و اوندن کیین هیچ برقی‌میز یوق.»
پکتیکا ولایتی یشاوچیسی حمید‌الله همیم نینگ ایتیشیچه، نیازلری بولگن برق نیچه خصوصی شرکت آرقه‌لی تامین بولیب و اونینگ صرفیه پولی کوپ یوقاری دیر. «پکتیکا مرکزی و بیر قطار بولیم‌لریده خصوصی شرکت‌لر آرقه‌لی برق تامین بوله‌دی که اونینگ قیمتی اهالی اوچون کوپ، دولت آرقه‌لی برق تامین‌لنیشی نی ایسته‌یمیز که برچه کیشی اوندن فایده‌لنسین.»
بیزلرنینگ فیسبوک صحیفه‌میزگه باش اورینگ!
ارزگان ولایتی یشاوچیسی جاهد، سرپرست حکومت‌دن نیازلری بولگن برق نینگ تامین‌لنیشی نی ایسته‌گن. «سرپرست حکومت‌دن بیزلر گه توجه قیلیشلری و نیازیمیز بولگن برق نینگ تامین قیلیشلری نی ایسته‌یمیز که برق خصوصیده‌گی نیازلریمیز حل بولسین.»
افغانستان سولری برق نقشه‌سی نینگ معلوماتی گه قره‌گنده، اوشبو مملکت ۲۲۲ مینگ ۸۴۹ مگاوات برق ایشلب چیقریش ظرفیتی گه ایگه بولیب، سوو و برق وزیرلیگی مسئوللری گه کوره، سولری برق نینگ حاضرگی تولیدی ۵۰ مگاوات‌دن کوپ دیر.