لوگر مرکزی پل علم شهری یشاوچی‌لری نینگ سلام‌وطندارگه ایتیشلریچه، اوتگن کون (چهارشنبه ۲۲- سرطان) کیچه ساعت ۸:۳۰ اطرافیده ناتانیش قوراللی کیشیلر اوشبو شهرگه جایلشگن بیر نانوایلیکده کیریب بیر عایله نینگ ۴ عضوینی اوققه توتگن‌لر.
مذکور واقعه گواه‌لریدن بیری محمدجاوید نینگ سلام‌وطندارگه ایتیشیچه، اوشبو واقعه‌ده مذکور نانوایلیکده ایشلاوچی ۳ ایناغه هلاک ایتیلگن و مذکور کیشیلرنینگ عمکی سی که بو واقعه یرلنگن ایدی کسلخانه‌گه انتقال بیریش چاغده جان بیرگن.
جاوید نینگ کوپه‌یتیریشیچه، هلاک ایتیلگن کیشیلر بیر عایله نینگ اعضاسی و لوگر ولایتی خوشی تومنی نینگ اصلی یشاوچیسی ایکنلر.
شونده‌ی بیرحالده، پل علم یشاوچیلریدن باشقه بیری صدیق‌الله نینگ سلام‌وطندارگه ایتیشیچه، قوراللی هجوم چیلر ۲ کیشی ایکن اولردن بیری مذکور نانوایلیکده کیریب تفنگچه بیلن ۳ ایناغه و لرنینگ بیر عمکی لرینی اولدیرگن.
بیزلرنینگ فیسبوک صحیفه‌میزگه باش اورینگ!
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اولگن کیشیلرنینگ هیچ کیم بیلن اوز ارا دشمن‌لیگی بولمه‌گن ومذکور کیشیلر شیعه مذهبی‌گه ایکنلر.
حاضرگچه اوشبو قتللر انگیزه‌سی بیللی بولمه‌گن و هیچ بیرکیشی مذکور واقعه مسئولیتی نی اوز بوینیگه آلمه‌گن.
باشقه بیر تاماندن لوگر معلومات و مدنیت ریاستی نینگ باشلیغی رفیع‌الله صمیم مذکور واقعه‌نی تصدیقلب سلام‌وطندارگه ایتیشیچه، اوشبو قضیه حاضر تیکشیریلماقده، قولگه کیلگن معلومات نی کیینراق رسانهلر بیلن اورته‌گه قوییشلری ممکن.
