لوگر ده مدنی فعاللردن قطاری نینگ سلام‌وطندار گه ایتیشلریچه، اوتگن ییللر گه قره‌گنده اوشبو ولایت‌ده خطاط‌لیک و نقاش‌لیک صناعتی کسادلیککه یوز توتگن.
اولرنینگ کوپه‌یتیریشلریچه، خطاط‌لیک و نقاش‌لیک توغریسیده مدنی فعاللر نینگ توجه‌سیزلیگی و ییگیت‌لر نینگ کمراق قیزیقیشی، مسلکی اوقیتووچیلر یوقلیگی و مطبعه خذمتلری کوپه‌یگنی سبب، لوگر ده خطاط‌لیک و نقاش‌لیک صناعتی کسادلیککه یوز توتگن.
بیزلرنینگ «ایکس» ترماغی ده هم تعقیب قیلینگ!
لوگر ده مدنی فعاللر نینگ ایتیشلریچه، خطاط‌لیک و نقاش‌لیک صناعتی رواجلنیشی اوچون مذکور ولایت معلومات و مدنیت ریاستی، برچه تعلیمی و فرهنگی ییغیلیش‌لرده بو ایکی صناعت اهمیتی توغریسیده ییگیت‌لر نینگ آگاه قیلیشلری کیره‌ک.
بو توغریده لوگر مرکزی پل‌علم شهری‌ده نقاشلردن احسان‌الله نیازی نینگ ایتیشیچه: «فکرمچه، لوگر ده نقاش‌لیک و خطاط‌لیک صناعتی حقیقتا کسادلیککه یوز توتگن. نقاش‌لیک و خطاط‌لیک صناعتی نینگ کسادلیککه یوز توتگنی اینگ بویوک سببی، کمپیوتر آرقه‌لی کیچیک و بویوک صورتلر و لوحه‌لر نینگ چاپ بولیشی دیر. نقاش‌لیک و خطاط‌لیک صناعتی گه توجه قره‌تیلیشینی ایسته‌یمیز.»
شونینگدیک لوگر ولایتی‌ده خطاط و نقاشلردن باشقه بیری محمدصابر سلطانی نینگ ایتیشیچه، خطاط‌لیک و نقاش‌لیک صناعتی رواجلنیشی اوچون سرپرست حکومت صناعتچیلر اثرلری خصوصیده کورگزمه یولگه قوییب و بازار تاپیشی کیره‌ک.
اونینگ کوپه‌یتیریشیچه: «نقاش‌لیک و خطاط‌لیک صناعتی نینگ کسادلیککه یوز توتگنی اینگ بویوک سببی، صناعتی کورگزمه‌لر نینگ یولگه قوییلمسلیگی و استادلر نینگ تشویق بولمسلیگی دیر که، لوگر ده نقاش‌لیک و خطاط‌لیک صناعتی نینگ کسادلیککه یوز توتگنی گه سبب بولگن.»
بیزلرنینگ فیسبوک صحیفه‌میزگه باش اورینگ!
لوگر معلومات و مدنیت ریاستی نینگ مدنیت بولیمی مدیری محمد‌گل تسل نینگ ایتیشیچه، نقاش‌لیک و خطاط‌لیک صناعتی رواجلنیشی اوچون بو بولیمده کارگاه‌لر یولگه قوییلگن.
اونینگ کوپه‌یتیریشیچه، نقاش‌لیک و خطاط‌لیک صناعتی رواجلنیشی اوچون اونینگ اهمیتی خصوصیده ییگیت‌لر گه آگاهی‌لیک بیریلیشی و بو بولیمده اثرلر نینگ نمایش گه قوییلیشی اوچون بیر قطار کورگزمه‌لر نینگ یولگه قوییلیشی خصوصیده سعی‌وحرکت بوله‌دی.
عین حالده، لوگر معلومات و مدنیت ریاستی هر ییلی نقاش‌لیک و خطاط‌لیک بولیمی‌ده کورگزمه‌لرنی یولگه قویه‌دی؛ بیراق مذکور ایکی صناعت نینگ بو ولایت‌ده اونچه‌لیک بازاری یوق.
