لوگر نینگ تورلی تومن‌لریده‌گی یشاوچیلردن قطاری، اوشبو ولایت خصوصی دارو‌خانه‌لریده دارو بهاسی یوقاریلیگی و صفتی قویی‌لیگی‌دن شکایت قیله‌دیلر.
اولرنینگ سلام‌وطندار گه ایتیشلریچه، لوگر مرکزی پل‌علم شهری و بیر قطار تومن‌لریده‌گی خصوصی دارو‌خانه‌لرده دارو بهاسی، اوز باشیمچه‌لیک شکلده تعیین بوله‌دی.
لوگر یشاوچیلری، مذکور ولایت ساغلیق‌نی سقلش ریاستی‌دن اوشبو ولایت دارو‌خانه‌لریده دارو بهاسی و صفتی نینگ کنترول بولینیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
لوگر یشاوچیلریدن بسم‌الله نینگ ایتیشیچه: «شفاکارلر هر قیسی دارو نی ایتگنلریده، اونی ساتیب-آلیش گه مجبور‌میز. بو دارو نی شفاکار مینگه یازگن و مین اونی ۳۰۰ افغانی گه ساتیب آلدیم. دولت دارو نینگ نرخ، تاریخ و صفتی نی کامل شکلده کنترول قیلیشی کیره‌ک.»
باشقه بیر تامان‌دن، لوگر ده کسللردن قطاری نینگ ایتیشلریچه، اوشبو ولایت نینگ اوزاق منطقه‌لریدن قطاری‌ده خصوصی دارو‌خانه‌لر، کسللر گه تاریخی اوتگن دارو‌لر نی ساته‌دیلر.
پل‌علم شهری‌ده جایلشگن دارو‌خانه‌لردن بیری‌ده‌گی کسللردن شکرالله نینگ ایتیشیچه: «دارو بار؛ بیراق قیمت و یخشی صفتی یوق. اولردن قطاری نینگ تاریخی اوتگن. دارو‌خانه‌لردن قطاری نینگ مسئوللری، اوزاق منطقه یشاوچیلری یا-ده بی‌سواد کیشی‌لر گه تاریخی اوتگن دارو‌لر نی ساته‌دیلر.»
بیزلرنینگ «ایکس» ترماغی ده هم تعقیب قیلینگ!
عین حالده، لوگر ساغلیق‌نی سقلش ریاستی مسئوللری نینگ ایتیشلریچه، بو قیینچیلیک حلی اوچون بیر کمیته تعیین بولگن و چرخ تومنی‌دن کیین، پل‌علم شهری ده هم دارو بهاسی و صفتی مکمل شکلده کنترول بولیشی ممکن.
لوگر ساغلیق‌نی سقلش ریاستی باشلیغی سید‌رحمان قادری نینگ ایتیشیچه، اوشبو ولایت نینگ پل‌علم شهری و باشقه تومن‌لریده کسللر گه، صفت‌سیز، تاریخی اوتگن و یوقاری قیمت گه دارو ساتگن هر بیر خصوصی دارو‌خانه بیلن، جدی یانده‌شیلیشی ممکن. اونینگ کوپه‌یتیریشیچه: «حاضر ولایتی مسئوللر ساغلیق‌نی سقلش ریاستی هماهنگ‌لیگی‌ده، چرخ تومنی ده دارو بهاسی و صفتی نی تیکشیره‌دیلر و اوندن کیین، بو قیینچیلیک مکمل شکلده حل بولیشی اوچون، پل‌علم شهری‌ده دارو‌لر نینگ بهاسی، تاریخی و صفتی نی تیکشیریشلری ممکن.»
ایتیش کیره‌ک که، بیرقطار ولایت یشاوچیلری هم دارو‌خانه‌لرده صفت‌سیز، تاریخی اوتگن و یوقاری بها گه دارو‌لر نینگ ساتیلیشی‌دن شکایت قیله‌دیلر.
