افغانستان‌ده بیرلشگن ملت‌لر تشکیلاتی نینگ اورین باسرلیک هیأت دفتری یا یوناما، بیر خبرنامه ترقه‌تیب ایتیشیچه، اوشبو دفتر باشلیغی و بیرلشگن ملت‌لر تشکیلاتی نینگ افغانستان اوچون مخصوص کاتبی نینگ نماینده‌سی دیبرا لاینز، قیزلر نینگ مکتبی آچیلمسلیگیگه دایر اسلامی امارت نینگ قراری خصوصیده مذکور تشکیلات نینگ «خواطری و امیدسیزلیگی» نی اولر بیلن شریک قیلگن.
بانو لاینز، اسلامی امارت تشقی ایشلر وزیرلیگی نینگ سرپرستی امیرخان متقی گه یوللـ‌گن مکتوبی‌ده ایتیشیچه، بو قرار ایشانچ سیزلیککه سبب بوله‌دی. او اسلامی امارت رهبریتیدن، برچه قیز و اوغیل باله‌لر گه تعلیم شرایطی یره‌تیلیشینی طلب قیلگن.
بیرلشگن ملت‌لر تشکیلاتی نینگ افغانستان اوچون مخصوص کاتبی نینگ نماینده‌سی گه کوره، تعلیم بشر نینگ اساسی حقلریدن دیر. اونینگ ایتیشیچه، تعلیم افغانستان‌نی اقتصادی بحران‌دن قوتقریش و کوچلی اجتماعی اویغون‌لیک اوچون ضروری دیر.
بیزلرنینگ فیسبوک صحیفه‌میزگه باش اورینگ!
بو عین‌حالده، نیچه کون آلدین اسلامی امارت معارف وزیرلیگی، ۱۴۰۱-ییل حمل آییده، مملکت بویلب برچه مکتب‌لر ایشیگی قیز و اوغیل اوقووچیلری یوزی گه آچیلیشینی اعلام قیلگن ایدی. قیزلر نینگ مکتب‌لری آی‌لر وقفه‌دن کیین بوگون ۳ حمل آچیلیشی کوتیلر ایدی، لیکن معارف وزیرلیگی، ۶-صنف‌دن یوقاری قیز اوقووچیلری گه مکتب باریش اجازه ایمسلیگینی اعلام قیلدی.
اسلامی امارت معارف وزیرلیگی نینگ بیانیه‌سیده کیلیشیچه، مکتب‌لر نینگ کییم-کیچگی افغانی کلتور و رسم-عادت‌لری اساسیده تیار بولگن تقدیرده، اسلامی امارت رهبریتی نینگ حکمی اساسیده قیزلر نینگ مکتبی آچیلیشی ممکن.
قیزلر نینگ مکتب‌لری آچیلمسلیگی ایریم مناسبت‌لر گه سبب بولگن. آمریکا نینگ افغانستان اوچون ایلچیخانه سرپرستی یان مک‌کرری، آلتینچی صنف‌دن یوقاری قیزلر نینگ مکتب‌لری یاپیق قالیشینی «امیدسیزلیک» عنوان قیلگن. او بوگون اوز توییتری‌ده، اسلامی امارت آلتینچی صنف‌دن یوقاری قیزلر گه مکتب باریش اجازه‌سینی بیرمسلیککه دایر ترقه‌لگن گزارش‌دن، چقور خواطرده ایکنینی یازگن.
افغانستان اوچون آمریکا ایلچیلیگی نینگ سرپرستی گه کوره، اسلامی امارت نینگ بو قراری «جوده‌هم امید سیزلیک و اولر نینگ بیانات‌لری گه قرشی دیر.» اونینگ تأکیدلشیچه «برچه افغان یاش‌لری تحصیل قیلیش گه سزاوار دیر.» شونینگدیک خلق‌ارا کیچیریم تشکیلاتی بو توغریده خواطر بیلدیرگن.
بیزلرنینگ توییترده هم تعقیب قیلینگ!
افغانستان نینگ سابق جمهور باشلیغی حامد کرزی هم، ۶-صنف‌دن یوقاری قیزلر نینگ مکتب‌لری آچیلمسلیگیدن خواطر بیلدیرگن. او اسلامی امارت حکومتی‌دن، آباد و تینچ بیر افغانستان اوچون، قیزلر نینگ مکتب‌لری آچیلیشینی طلب قیلگن.
کرزی نینگ اورغولشیچه، اسلامی امارت‌دن افغانستان تعلیم، تربیه‌دن محروم قالیب و باشقه‌لر گه محتاج قالیشنی ایسته‌گن یاولر نینگ ریجه‌لری، عملی بولمسلیگی نی سوره‌گن.اولکه سابق جمهور باشلیغی قیزلر نینگ برچه مکتب‌لری تیزلیک بیلن آچیلیشینی سوره‌گن.
سابق دولت نینگ ملی یره‌ش عالی کینگش باشلیغی عبدالله عبدالله هم، قیزلر نینگ مکتب‌لری آچیلیشینی ایسته‌گن. او ترقه‌تگن پیامیده ایتیشیچه، تعلیم و تربیه، اولکه فقرالری نینگ اسلامی و مدنی اساسی حقی دیر.
جناب نینگ عبدالله نینگ کوپه‌یتیریشیچه، مکتب‌لر ایشیگی افغانستان قیزلری و اوغیل باله‌لری یوزی گه آچیلیشی کیره‌ک. اونگه کوره، ینگی تعلیمی ییل‌ده قیزلر یوزی گه مکتب‌لر باغله‌نیشی، افغانستان خلقی نینگ خواهش-ایسته‌گیگه قرشی دیر.
