اسلامی امارت رهبری هبت‌الله آخوندزاده، بوگون (جمعه، ۱۰ سرطان)، سرپرست حکومت تامانیدن یولگه قوییلگن عالملر بویوک ییغینیده اشتراک قیلدی. اوشبو ییغین صوتی شکلده دولت میدیالری تامانیدن ترقه له‌دی.
هبت‌الله آخوندزاده، عالملر بویوک ییغینی ایکینچی کونیده لویه جرگه خیمه‌سیده حضور تاپیب و نطق سوزله‌دی. او نطقی جریانیده عدالت‌نی نظام بقاسی دیب و هیچ بیر حکومت ظلم بیلن دوام قیلمسلیگینی بیلدیردی.
اسلامی امارت ییتکچیسی، شریعت عملگه آشیریلیشی اوستیگه تاکیدلب ایتیشیچه، سونگی نیچه ییل ده‌گی «کافرلر» بیلن بولگن اوروش، عقیده و شریعت اوروشی ایدی و حاضرگی توزوم، کوپ قربان‌لیکلر بیلن شکللنگن. اونگه کوره، اوشبو اوروش حاضر هم یکونلنمه‌گن و قیامتگچه دوام تاپیشی ممکن.
بیزلرنینگ فیسبوک صحیفه‌میزگه باش اورینگ!
آخوندزاده اوز بیاناتی جریانیده کوپه‌یتیریشیچه: «شهادت غایه میز بولگن ملت میز. آمریکا افغانستان ده آنه‌لر بمبی‌نی قوللندی، اتم بمی دن قوللنسه‌لر هم، بیز الله یولیدن قیتمه‌یمیز و کافرلر خواستینی هم قبول قیلمه‌یمیز.»
اسلامی امارت رهبری گه کوره، دشمن اوروش میدانیدن مغلوب بولیشیدن کیین، «دسیسه و توطئه» آرقه‌لی هدف‌لری گه قول تاپیش مقصدیده سعی و حرکت قیلماقده، بیراق حاضر افغانستان مستقل و آزاد بیر مملکت دیر و کیمسه گه اره‌لشیش اجازه‌سینی بیرمه‌یدی.
اونینگ کوپه‌یتیریشیچه، یاولر شونده‌ی مغلوب بولگن که هیچ زمان حربی هجوم قیلمه‌یدی، لیکن تبلیغ و فتنه هنوز هم دوام ایتماقده، حاکم‌لر آره‌سیده نااتفاق‌لیک تشلب و اوشبو یول آرقه‌لی اسلامی امارت توزومینی کوچ‌سیز قیلیشنی ایسته‌یدیلر.
هبت‌الله آخوندزاده سوزلری بیر بولیمیده ایتیشیچه، اسلامی امارت نینگ عملیات‌لری جریانیده قربان بولگن افغان‌لر اولر نینگ هدفی ایمس ایدی، اونگه کوره: «اولر اشغالگرلر یانیگه بولسه ده، بیراق کیلیب و قورال‌لرینی ییرگه قوییب، دین و مملکت برابری ده یاولردن حمایت ایتمسلیگی طلب قیلینر ایدی.»
اسلامی امارت رهبری عالملر بویوک ییغینیده، عمومی کیچیریم اوستیگه تأکیدلب ایتیشیچه، اوتگن «ظالم‌لر» دن اوچ (حساب) آلینمه‌یدی. اونگه کوره، عمومی کیچیریم حکومت ده اولرنی شریک قیلیش معناسیده ایمس.
شونینگدیک آخوندزاده، امنیت و ثبات برقرارلیگی اوچون نفسانی خواهش_ایستک دن پرهیز قیلینیشنی ضروری دیب و اسلامی امارت اعضالری گه، اوزلری، عایله اعضالری و تیریکچیلیک‌لرینی شریعت قانون_قاعده‌لری بیلن بیزه‌لتیریشلرنی طلب قیلدی.
بیزلرنینگ توییترده هم تعقیب قیلینگ!
اسلامی امارت رهبری، اولکه فقرالری دن مملکت نی ترک قیلمه‌ی افغانستان گه قالیب و دسیسه گه قول اورمسلیکلرینی سوره‌دی. شونینگدیک او سوداگرلردن، خواطرسیز شکلده افغانستان ده سرمایه یاتقیزیش‌لرینی دوام بیریش‌لرینی طلب قیلدی.
عالملر و قوم بویوک‌لری ییغینی اوتگن کونی (پنج‌شنبه، ۹ سرطان)، اسلامی امارت حکومتی تامانیدن باشلندی و ایرته گچه دوام تاپیشی کوتیله‌دی. اوشبو ییغینده افغانستان بویلب چمه‌سی ۳۵۰۰ کیشی اشتراک ایتگن و برچه اشتراک ایتگنلر دین عالمی و قوم بویوک‌لریدن عبارت دیر.
