لغمان یشاوچیلریدن قطاری نینگ ایتیش‌لریچه، اسلامی امارت سابق حکومت‌ده باشلنگن و ایشی یریم قالگن اوشبو ولایت‌ده‌گی پروژه‌لر نی، تکمیل قیلیشی کیره‌ک. اولر، پروژه‌لر نی بیللی زمانی‌ده تطبیق قیلمه‌گنلری اوچون سابق حکومت مسئوللریدن تنقید قیلگنلر.
لغمان قوم بویوکلریدن سیف‌الرحمان و محمدعباس نینگ ایتیش‌لریچه، حاضر اوشبو ولایت نینگ اوزاق منطقه‌لریده ناتینچلیک یوق و انه شوو سبب، اسلامی امارت سابق حکومت‌ده ایشی یریم قالگن پروژه‌لر ایشی نی تکمیل قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
سیف‌الرحمان نینگ ایتیشیچه: «حاضر امنیت کامل شکلده تامین بولگن و شونینگدیک پروژه‌لر نینگ تطبیق بولیشی توغریسیده هیچ قنده‌ی چیکلاو یوق، اداره‌لر و بویوکلریمیزدن ایشی یریم قالگن پروژه‌لر ایشی نی باشلب و اولر نینگ تکمیل قیلیشلری خصوصیده امیدوار میز. پروژه‌لر ایشی باشلنگن صورت‌ده، رواجلنیش و ترقیات یانیده اهالی گه ایش زمینه‌سی هم فراهم بوله‌دی.»
شونینگدیک محمدعباس نینگ کوپه‌یتیریشیچه: «ایشی یریم قالگن پروژه‌لر ایشی نینگ باشله‌یشلری نی ایسته‌یمیز. افغانستان قیته قوریلیب و ان‌شاءالله لغمان آباد بوله‌دی. بیزلر بو زمینه مسئوللر نی حمایت قیلگن‌میز و اینه هم حمایت قیلیشی‌میز ممکن.»
باشقه بیر تاماندن، لغمان حاکمی نینگ ایتیشیچه، ایشی یریم قالگن پروژه‌لر ایشی نینگ تکمیل بولیشی خصوصیده متعهد‌لر و اونینگ یانیده شونینگدیک ینگی استقورمه ایشلریدن قطاری نینگ باشله‌یشلری ممکن. اونینگ کوپه‌یتیریشیچه، اولر قدرت نی قولگه آلگنلریدن کیین، بعضی پروژه‌لر نی تکمیل قیلیب و لغمان نینگ قطار منطقه‌لریده فایده‌لنیش گه قویلگنلر و شونینگدیک پروژه‌لردن قطاری نینگ ایشلر نی باشله‌گنلر.
لغمان حاکمی نینگ ایتیشیچه: «بیزلر قطار پروژه‌لر نی فایده‌لنیش گه قویگن‌میز و توازن‌لی رواجلنیش اوچون برچه تومنلرده ایشله‌یمیز. ایشی یریم قالگن پروژه‌لر هم تکمیل بوله‌دی. اینگ اونملی شاهی کانالی نینگ ایشی اوچون یقین زمان‌ده سوو و انرژی وزیرلیگی گه باره‌من. بو پروژه ایشی تکمیل بولگنی بیلن، ۲۰ مینگ هکتار ییر گه سوو ییتیشه‌دی. بیزلر ایشلر نینگ انجام بولیشی و مملکت اقتصادی نینگ یخشی‌لنیشی اوچون جدی شکلده سعی و حرکت قیلماقده‌میز.»
بیزلرنینگ توییترده هم تعقیب قیلینگ!
شونده‌ی بیرحالده، لغمان یشاوچیلری نینگ ایتیش‌لریچه، مسئوللر سوزلری نی عمل گه آشیریشلری اوچون، تیزلیککه اقدام قیلیشلری کیره‌ک. سابق تیزیم نینگ سقوط قیلگنی بیلن، تشقی نهادلر آرقلی تمویل بوله‌دیگن پروژه‌لردن قطاری، مالی یاردملر نینگ کمه‌یگنی باعث، ایشی یریم قالگن.
عین حالده، اهالی دنیا جماعه‌دن اوشبو پروژه‌لر پوللری نینگ قرارداد بولگن شرکتلر گه بیریشلری نی ایسته‌یدیلر؛ چونکه بو پروژه‌لر ایشی تکمیل بولمه‌گن و اولر نینگ ایشلاوچیلری ضرر کورگن.
